我地唸住今晚係除夕帶善如出街,但係最後攪到好夜,所以都冇出度,剩係落咗留下行吓。善如今晚個Look,個個見到佢都話佢好得意好似日本妹。
上面個video就係佢喺商場自己扭扭吓pat pat跌親,佢扭得好得意架,不過個video 好短,其實見到佢扭已經即刻攞部相機出黎,但係都係錄得好短,雖然佢跌親好可憐,但係又好得意,嘻嘻!
我地唸住今晚係除夕帶善如出街,但係最後攪到好夜,所以都冇出度,剩係落咗留下行吓。善如今晚個Look,個個見到佢都話佢好得意好似日本妹。
上面個video就係佢喺商場自己扭扭吓pat pat跌親,佢扭得好得意架,不過個video 好短,其實見到佢扭已經即刻攞部相機出黎,但係都係錄得好短,雖然佢跌親好可憐,但係又好得意,嘻嘻!
之前Denise 姐姐整咗個video好攪笑,我地專登錄咗善如睇既時候既反應,佢好開心,係咁笑,最後仲要話: [冇咯。] 之後仲指住個電腦話:[爸爸喺呢度。]
Denise 姐姐,你睇吓你氹到善如幾開心!! 多謝哂呀!!
好多謝Denise 姐姐幫我地一家三口整咗呢個video,真係好攪笑,爹D媽咪笑到喊咁制,真係多謝哂!!
http://elfyourself.jibjab.com/view/jB4gKtkdmX0LSrkD
P.S. 大家要快啲睇喇! 因為個video到09年1月15號就冇得睇!
為免冇咗個video,我地用上機影咗個晝面。
善如其實同媽咪一樣都係咁怕"唧",所以爹D成日"唧"我地。
如果爹D問善如: [爹D個格甩底係邊度呀??] 善如就會指住爹D個格甩底。
但係如果爹D問善如:[善如個格甩底係邊度呀??]
善如就會答:[冇呀?]。
因為如果善如話有的話爹D就會"唧"佢,所以佢會答冇。善如就係咁樣講咗佢既第一次大話lu.... 哈哈!!
初頭睇呢個video,係咪以為善如俾阿Sir打跟斗呢?? 大家而家應該知道,那個唔係善如黎,係佢喺playgroup既朋友仔黎架。不過阿Sir話要同佢地玩吓轉吓,等佢地個腦發展得好啲喎。
不過其實喺第一堂既時候,阿Sir都係咁樣幫善如打,之後善如就驚咗阿Sir,每堂一到呢個時刻,佢就會好驚咁坐喺到,如果佢見到阿Sir一想捉佢出去,佢就喊定先,死到痴實爹D媽咪。
阿Sir都有讚善如好聰明,不過就喺一啲唔熟悉既環境同埋人既時候就太怕醜,阿Sir話要帶多啲佢見人。同埋佢係一個觀察型,阿Sir教啲乜,佢會望得好清楚阿Sir做乜,同埋周圍人既反應,佢先至會去做。