兩隻豬一齊表演唱歌歌

善如同采叡成日夾埋一齊唱歌俾爸爸媽媽睇，爸媽就覺得超好睇!

寶琳一天遊

采叡體能真係超勁呀! 善如都進步咗好多呀!

約班朋友仔在寶琳公園玩一日，真係好滿足啊!

牙刷叡瞓著覺都識笑架!

家姐可以引到采叡瞓著覺都識笑呀，超可愛!

童言童語

采叡：我有兩個爸爸架!
爸爸聽到立即話：吓! 乜話! 冇呀!
采叡：有呀! 我有兩個爸爸架!
爸爸嬲嬲地咁話：仲有一個係邊個呀! 吓!
采叡仲奸笑咁添
之後爸爸忍唔住再講：你記住，你得一個爸爸jar.

媽咪在廳聽到他們的對話真係引唔住笑

采叡好鐘意講，我好鐘意你呀!爸爸/媽媽/家姐/姐姐/嫲嫲/婆婆
我地每次都答番佢：我地都好鐘意你呀!

真係好鬼識得逗人開心架

牙刷叡

爸爸改了采叡的花名叫牙刷叡，因為她時常牙牙刷刷，個樣子又好醒目好得戚。叫叫吓又覺得幾好聽喎!

九月之星

又係慶祝九月生日的時候了，我們全家到了APM漢和食韓國燒烤，Yummy Yummy! 好彩采叡冇收錢，佢都唔食野既!

善如教采叡唱國語歌

善如教采叡唱國語歌，采叡啲音都幾正喎。

采叡在幼稚園的生活

采叡之前在迦南幼稚園時常被老師話佢唔係好講野，又話佢較為怕羞，唔主動，但我地都覺得奇怪，采叡真的不是這樣，所以都決定轉轉學校，可能這間學校不是太適合她，再加上迦南要俾成三千幾元學費，所以最終都決定幫她轉到茵怡幼稚園，來到這間學校，她適應得很快，可能因為之前有上過茵怡開心天地有關，老師都讚她很自律，很聽話。

到今天，班主任打來說采叡好主動，今日老師請同學出來扮動物叫，在這個年齡，老師話通常叫了同學扮完，老師就會問，你估吓呢個同學在扮什麼動物叫，但這句說話竟然采叡幫老師講埋，之後因為啲同學仲係有啲發緊夢咁，冇人答，采叡立即和老師講，佢唔答我喎。老師話她的表達能力好好，還好主動及投入添。爸媽知道之後真的很開心，我們應該冇選錯學校了，希望在這間學校，采叡能夠發揮佢所長，讀得開心愉快!

兩姊妹

善如和采叡的性格很不同，一個很善良，很少表達自己，但采叡咁細個已經懂得如何表達自己。


爸媽見到兩姊妹玩得很開心時，真的很滿足。

青協有機農場

自製番梘

今天，我們跟茵怡幼稚園主日學的家長，一齊到青協有機農場玩一天，之前成日落大雨或者好曬，點知今天沒有落雨，仲係陰天添，真係感謝神啊!