Running......Stop, marching......stop

善如而家開始識得聽指令，其中一個就係Running... stop. 同埋marching，佢對手同腳未協調倒，好攪笑。

到會所游水

今日又帶咗善如去樓下會所游水，不過室外池好凍，所以帶咗佢去室內暖水池游，呢套泳衣第一次著，將佢個肚腩仔表露無遺，哈哈！

BB 食藥Bu番哂出黎

善如最近學識Bu番啲藥出黎，其實之前我地將啲藥放落啲奶到既，但係今次佢唔肯，因為啲藥太大陣味，所以連奶都唔飲，佢全日只係肯飲咗四安奶同埋食半碗粥，(連個肚dum 仔都冇埋)，所以唔可以放喺奶到，要用針筒餵佢飲，但係佢係咁反抗，Bu番哂啲藥出黎，攪到爹D媽咪頭都痕埋，之後姨媽媽教要錬實佢個nose，然後唧啲藥落去，嘩!! 真係好難呀，都係Bu到成地都係。

今日婆婆帶咗善如去睇醫生，醫生話佢好番好多，不過都仲係有少少發炎同埋好多啖添。 不過好彩今次唔係咁多藥，所以放喺奶到，佢都肯食，唔使佢食得咁辛苦。BB，今次你睇咗成七次醫生，食咗好多次藥喇，你快啲好番啦，見到餵你食藥時，成面都係眼淚，係咁擰頭叫爸爸媽媽，我地真係好心痛架。

中秋節

善如仲未好番，今次去睇醫生，醫生話佢中耳炎，隻耳仔同埋喉嚨都紅哂，仲係咁發燒，爹D同埋姐姐都唔舒服，今個中秋節成家都喺屋企瞓覺，係夜晚先至同BB落街，帶埋Melody燈籠同埋Joanna 姨姨買既Winnie the Pooh 閃燈落樓下玩。

善如識得自己由Sofa落地

善如學緊自己由Sofa落地，有時都好驚佢跌落黎，第二個video就睇到佢係自己落喇!