婆婆家食飯

媽咪今天感冒，食了藥很疲倦，所以沒有番教會，到夜晚才到婆婆家做節。善如同表妹玩得很開心，塊面都紅哂。

龍眼椰果冰

善如要去Jolly Kingdom學Phonics，爸媽就去了聰嫂食好好味的龍眼椰果冰。

福餅贈老傳溫情

今早九時正已到達慈雲山幫手派月餅給老人家，善如一早起牀精神奕奕，媽咪問她我們害怕疲倦嗎，善如好斬釘截鐵地說不怕，都不知幾開心可以幫到老人家。

將天中秋晚會

將軍澳天主教小學每年都會有中秋節晚會，今年表姐邀請我們去，善如玩到很開心，周圍跑跑跳跳。

善如好心散

善如最近不知為何非常心散，是否因為放暑假太長，加上整個暑假媽咪都可在家陪她，她做功課不是很專心，時常走來走去，媽咪下星期要上班了，媽咪特別緊張，驚她沒有媽咪在就很久也做不完功課，所以媽咪最近成日駡她，令到她更冇心機了，媽咪閙她也很心痛啊! 但她真的是專登激媽咪，慢吞吞的。

善如：[媽咪，我都想努力架，但唔知點解我唸唔到方法?]
媽咪：[你只要專心啲就可以了，你都可以寫得又快又靚架!]
善如：[媽咪，我會努力試吓架!]

媽咪：[你學多些知識，將來是對你自己好的，媽咪都好想你好啊!]

媽咪每次講這些話都很感動，雖然她很快又不記得，又會慢吞吞，但是希望她有一次真的明白有什麼好。

媽咪每次要出門口，善如也很扭計地攬實媽咪，唔俾媽咪走。希望媽咪上班後，會變回獨立一點啦，她成日都會在扮BB，雖然很可愛，但爸媽知道不可以再讓她扮細個了。

九龍真光簡介會

媽咪今晚又要去聽九龍真光簡介會了，真的很忙碌!

公利竹蔗汁糕

今日媽媽在灣仔交完表，順便去中環找爸爸食午餐，爸爸帶媽咪去水記食牛腩牛什，再去公利食竹蔗汁糕，果然好味呀!

叡叡嗚嗚聲!

叡叡在這幾日聽到爸爸媽媽引佢時，她發出嗚嗚聲呀! 很想應對，很有反應，真可愛啊!

不過，媽咪又打橫咗錄影!

收到優才面試result

之前已經收到優才面試的結果，是First Waiting List，對於我們來說，這是最好的offer，因為這是編入優先後備名單，即是不需要放棄大抽獎，但如果首輪取錄的學生放棄學位，優先後備名單的學生就可以補上。

現在要入一間好學校都很艱難，這間學校要家長出席一連10講(每月一講)的家長講座，目的是讓家長進一步了解子女的身﹑心﹑靈發展，家長如出席率達八成或以上者將獲頒發証書及優先被安排備取生的資格，，還要再邀請適合的學生到校面見。

今晚，媽咪就出席了由校長親自講的[見證香港資優二十年]，由七時至九時，幸好媽咪未上班，如果不是放工都不知趕不趕到，因為她們都很嚴厲，每次都有紀錄入場和離開的時間，驚住家長一去到點完名就走，唉，你話係咪嚴厲呀!

嘉諾撒聖方濟各學校交表

今日媽媽去了灣仔的嘉諾撒聖方濟各學校交表，因為今天已是第三天，都已經沒有人排隊了，十一月尾有結果，希望抽中啦。

媽媽今日試過由太古廣場三期港鐵站出，在地底都要行成十分鐘，不過有冷氣涼，之後出去地面大約行多五分鐘至八分鐘就到。如果在灣仔出的話就要在地面行，時間差不多，但會熱好多同埋周圍多車些。

叡叡成日嘔奶

叡叡食完奶，很難掃風，就算掃了風，隔了成兩個鐘頭都會好容易嘔奶，所以通常我們都會抱她一陣先至放她落床仔。

采叡兩個月了!

叡叡兩個月要去母嬰健康院，她真的很似善如，連重量都差不多。

出世時，善如7.8磅，叡叡7.6磅;

一個月時，善如10.8磅，叡叡10.2磅;

兩個月時，善如13.4磅，叡叡13.2磅。

哈哈，真得意!

叡叡今日第一次番教會

今日爸媽第一日帶叡叡番教會，她很乖，起初她都是睡著的，到聽講道時她就突然醒了! 是她聽到神的話啊!

下午去完megabox後，就一齊上了姨媽媽家食飯。

MegaBox

今日約埋瑤瑤去Megabox玩滑梯，點知個滑梯維修，真掃興! 幸好有個扭汽球既哥哥，用Megabox Club既分就可以換取汽球，今次呢個哥哥好勁呀，扭到出神入化呀! 連隻兔仔都靚個人，Donald Duck又好似喎，勁呀!

Ian, Brenda, Angel 來探叡叡

有朋友來探叡叡，善如都很合作，很有禮貌，又肯同哥哥姐姐影相。

聖母面試

今日早上帶了善如去聖母小學面試，這間是善如第二間面試的學校，這間學校都是很著重小朋友的品德，爸媽都不敢給善如壓力，只是叫她儘量答老師問題，識答就要大聲些少答，最緊要就是要有禮貌，你出來之後爸媽帶她去食燒賣。面試完後，善如好開心話去食燒賣，爸媽不敢問她見成點，到食午餐的時候問她，她說好容易，只是問了她叫什麼名字，住在那裡，還有有幾塊missing puzzle叫她找番出來，她說很容易啊!

學畫畫

善如畫的畫真的很"美麗"呀，她的美術天份真是同媽咪一樣。本來昨天收到盧峰畫廊的電話說星期三下午有位，這間畫廊很出名，差不多要排成兩年先至有位，因為入得去的都不要走，這些人是由小時候畫中學，所以很難才有位，因為星期三的關係，爸媽不想善如平日去學野，因為會影響到她夜了睡覺，又要趕住做功課，再加上下年善如已經入讀小一，都不能在平日去學野了，所以媽媽推了表示如果有星期六日才通知我們吧，不過她已說很難啊! 唯有慢慢等啦! 爸媽只是希望善如學習畫畫能訓練她的專注力，做事不要太求其，順其自然吧!

原來真是會小氣架!

原來真是會小氣架，爸爸在Facebook提及叡叡已戒掉夜奶的那晚和下一晚，叡叡都四時幾醒了，第一晚媽媽有開奶給她，第二晚媽媽就不開了，恐怕她又食番夜奶，所以抱了她一個幾鐘，讓她睡，最後七時幾才吃，真的激死! 希望叡叡今晚開始不要再吃番夜奶了，媽咪就來要上班了。

Ron姨姨探叡叡

Ron 姨姨今日來探采叡，善如有Ron姨姨來到，食飯明顯慢了很多，好遲先至開始做功課，但是她竟然趕得到大約四時完成功課，就是因為要趕住看Dora。

醫生護士遊戲

當善如今日睇完Dora後，媽咪同佢玩醫生護士遊戲，善如當然扮醫生啦。

善如：[你有什麼病呀?]
媽咪：[有少少傷風﹑流鼻水囉。]
善如叫媽咪張開口然後"呀"一聲
睇完之後善如佢就幫媽咪睇耳仔
睇完之後媽媽就問善如：[點解唔使睇鼻鼻既?]
善如：[我地呢度唔使睇鼻架?]
媽咪：[點解既?]
善如：[因為個鼻會有好多鼻屎呀?]
媽咪笑著說：[咁就算有鼻屎都要睇喎，做醫生就算乜野都要睇喎。]
善如：[點解呀?]
媽咪：[係架，個病人邊到有病都要睇架?做醫生係咁架，就算核突都要架。咁你又睇人地個耳仔，唔怕耳仔有耳屎咩?]
善如：[啲耳屎喺好入，都睇唔到，所以咪唔怕囉。]
最終，善如都好不願意地：[咁你俾個鼻鼻我睇吓啦。]
善如：[係喎，你個鼻鼻真係有好多鼻屎喎。]
媽咪：[係咩，咁你都睇到。]
善如：[係呀，所以你要食啲藥呀!]

叡叡一個半月戒掉夜奶

叡叡一個半月已經戒掉夜奶了，善如那時就一個月零三日，兩個都叻女。起初不敢說呀! 因為很多人都說小朋友會小氣呀!

叡叡有時會全日都唔睡覺，到下一日就全日都睡覺，最近仲成日咬手手，起初以為佢肚餓先咬，點知佢有時一食完奶都咬，真的不可以讓她慣了食手呀。

善如番學的生活

今日是第三天了，善如好像開始掌握到時間的觀念，知道幾點前完成功課就可以看電視，越快完成就越看得耐電視，希望她慢慢明白到時間的重要性，做功課快些。今日做數學同英文都很快，係中文較為慢，但都可以在個半鐘頭內完成三樣功課，很好了。

校車

媽咪還未上班，加上耻骨又好了很多，難得有機會可以接善如放學，真的不要浪費，每日望住善如從校車下來，有種很奇妙的感覺，很想立即攬實她。

今天如常去接善如放學，每個小朋友都落了車，還未看見善如，等咗好耐，見老師都幫手去車中間到，原來善如睡著了，要老師過去她扶她下來，媽咪一見到她的樣子，她是剛剛睡醒，全身無力的行下來，連樓梯也差點落不下來，真是可憐!

每日要善如搭校車番放學，真的有點心痛，但是為了找間較為好的學校讓她學習，很多家長都唯有這樣做。

善如長大了

采叡妹妹出世後，爸媽都覺得善如大個了很多，她由起初有少許呷醋(那時，時常引爸媽注意，食飯時候躲入房間。)，到現在已經適應了。相信善如最不習慣的，就是要靜一些，對於一個小朋友來說，這個真是很難做到的，因為妹妹時常都睡覺，差不多每一刻都不可以嘈，真的是難到她吧!

采叡笑笑呀!

爸媽在這幾日引采叡，佢開始笑了，仲笑得好得意添! 攬住佢真的冇煩惱呀!

都係果句，好似善如!



善如番學的生活

媽咪每日在家，最大的壓力是要看著善如做功課，媽咪真的不可以做全職媽媽，EQ真是很低，很容易被她激嬲，反而上班都沒有這麼容易被激嬲。

今天善如當然都有三樣功課要做，媽咪又要與她講數了，真的希望她快快習慣，當媽咪上班後，希望爸媽放工不需要再這麼辛苦，亦都希望為小一作好準備，如果現在已經讓她習慣性自動自覺做功課，爸媽真的沒有這麼辛苦，其實她自己都是呢?  不需要這麼晚才睡覺。

小一面試題目

九月十月是面試小一的高峰期，很久沒有問過善如題目，今日隨口問問善如題目。

媽咪：[一年有幾多個月呀?]
善如：[12個月。]
媽咪：[你最鐘意邊個月呀?]
善如：[我最鐘意12月，因為有聖誕節，有禮物收。]
媽咪：[邊個會在聖誕節派禮物呀?]
善如：[聖誕老人。]
媽咪：[點樣聖誕老人先至會派禮物架?]
善如：[ 要乖，同埋瞓覺要瞓冧啲。]
媽咪笑住話：[仲要擺啲乜野喺床邊呀?]
善如：[擺隻鹿。] 因為隻聖誕襪是好似隻鹿咁的。
媽咪：[係聖誕襪呀!]

媽咪：[一年有幾多季呀?]
善如：[有四季。]
媽咪：[邊四季呀?]
善如：[春夏秋冬。]
媽咪：[咁你最鐘意邊季呀?]
善如：[冬。]
媽咪：[點解呀?]
善如：[因為冬天好涼，唔使開冷氣，可以慳番啲電，環保又可救救地球。]
這個答得幾好呀!

媽咪：[你最鐘意睇乜野故事書呀?]
善如：[Dora，因為佢個backpack 係紫色。而我最鐘意就係紫色。]

媽咪：[你最鐘意係乜野顏色?]
善如：[紫色，因為Dora個backpack 係紫色。所以我最鐘意就係紫色。]


俾佢激死，問親鐘意啲乜，佢就會答Dora，全部個答案都係話因為Dora個backpack係紫色。

媽咪：[How are you?]
善如：[Fine, thank you.]
媽咪：[你可以加多句問:[And you?]] 而家再試一次呀
媽咪：[How are you?]

善如：[Fine, thank you.  How about you?] 幾叻，都識得轉用how about you?
媽咪：[I'm fine.  Thank you.]

媽咪：[How old are you?]
善如：[I'm five years old.  and you?]
媽咪即刻笑但又唔敢笑得咁大聲，然後教佢老師問你幾多歲，你唔使問番老師幾多歲的，真是攪笑。

Gloria 探采叡

今天Gloria 姨姨來探叡叡，真的多謝她這麼有心來探叡叡。

番學的生活

今天開始善如的上課時間回復正常，8:45am 至 12:10pm，媽媽也估到功課也是"回復正常"了，上星期只是得一樣，今個星期開始有中﹑英﹑數各一樣，總共三樣了。

趁著媽咪還未上班，希望能訓練善如自動自覺地做完功課，現在她上上午班，時間確實好用很多，有足夠的時間在下午做功課甚至溫書，但是她總是愛挑戰媽咪的極限，起初還是很好的，數學和英文都算是快快完成，到最後她做中文時，總愛東張西望，左行右行，媽咪已經很有耐性地用很多方法和她做。 例如：姐姐切了一個蘋果給她，媽媽說不如你食一舊蘋果，看看可否寫到一個中文字，點知善如真是覺得很好玩，有幾多舊蘋果，就寫了幾多隻字，當媽咪滿心歡喜地想，真好了，可以快快做完功課，但當蘋果一食完，善如又是魂遊太空，還欠兩行未寫完呢!  救命呀! 真的忍不到了，媽媽對住善如發脾氣閙她，要她快些做功課，但她還是不聽，媽咪嬲到收拾她的簿叫她不要做了，然後媽咪入了房同采叡玩，善如自己就去了拿紙巾抺眼淚，然後應該回位做功課(其實媽咪看不到的)，不足五分鐘，善如拿著本中文簿躲藏在另外一間房裏，媽咪行過見到她在笑，媽咪看看那本簿唸住她應該只是寫了一兩個字(以佢的速度，差不多了)，點知竟然兩行都寫完，還劃了公仔添。

為何她不可以不用人駡就自動自覺完成功課呢? 起初幫她報讀根德園的原因就是想她能夠自動自覺完成功課，根德園就是訓練到很多同學仔這樣，但是善如就是不能夠。希望在這段時間裏，善如能夠有效率地完成功課，讓她上小學也不用這麼辛苦啊!

表哥生日

表哥生日剛巧撞正星期日，問表哥想去那裡玩，個答案竟然是打麻雀，好! 約好了表哥在十時許已經到我們家打麻雀，爸爸同善如就去了教會，這四隻腳是舅母﹑表哥﹑表姐和媽媽，大舅父就幫手照顧叡叡。麻雀的吸引力真的很大，大家都不願出外吃午餐，只是將家裏所剩的的食物拿出來吃。

同善如玩了幾舖大家都唔知叫乜名既遊戲，她很開心啊!

兩個小朋友打了這麼久麻雀，都沒有疲倦的感覺，到了六時，我們終於要出外吃晚飯了，幸好有大舅父的車，叡叡出街也很方便，不需要帶BB車。我們本來想到樂富的元氣食壽司，不過，實在太多人了，所以我們轉去食五十嵐!

表哥，今日生日唔好唔開心啦! 善如知道表哥唔開心，佢仲拿咗粒鑽石出來送給他，叫他不要唔開心呀!

善如同媽媽玩這個遊戲很開心，通常我們俾善如玩的是小朋友size，今次是大人size，所以佢要跳高玩，她的樣真是可愛。

Vivian 探小龍囡

Vivian 姨今日黎探小龍囡，灼烜同灼祺都黎咗，善如同佢地玩得好開心，爸媽覺得灼烜都大個咗好多，雖然小朋友實有爭野既時候，睇到佢地玩得咁開心，大人都開心埋。

善如唔會搶細妹啲玩具?

今日灼烜同灼祺來探小龍囡，灼烜哥哥成日搶番細佬啲玩具，唔俾佢玩，到夜晚佢地走哂，善如問媽咪：[點解灼烜哥哥搶細佬啲野玩既?]
媽咪：[灼烜哥哥唔啱囉，佢唔應該搶細佬啲野玩架?]
善如：[係囉，佢咁樣唔啱架。我唔會搶細妹啲野架。]
媽咪：[咁就乖喇! 你鍚細妹多啲，爸爸媽媽就更加會鍚你多啲。]
善如：[我唔會唔錫細妹架，因為佢個樣同我一模一樣呀。]
媽咪：[係囉，咁得意既，竟然同你一模一樣喎。]
善如：[仲有呀，佢又食奶我又食奶，都一樣架。]


哈哈，善如錫唔錫細妹，真係佢地大個啲先知了。

爸媽同善如游水

善如剛剛冇學游水，因為馬Sir話如果善如再唔克服到驚耳仔入水，一路都不會進步，都不會升級。其實由上年開始，善如由初階一升到進階一，一路都沒有進步過，起初只是想，每星期讓善如去做做運動，由得她上堂，但連阿sir都同爸爸講，叫他找一些一對二的教練去教善如會較好， 因而家教練是一對四，根本就沒有時間去訓練她，只浪費金錢，有排都未會學到。

聽到阿Sir的提議，實在有些猶豫，如果一對二的價錢差不多貴一倍，我們又不是要她參加比賽，只想她游游水，強身健體，真的需要找個教練嗎? 但如果善如一路都不懂游水，又是否太浪費金錢呢? 我們自己帶她游就算吧!

暫時爸媽還未決定到，就自己帶她游啦，不要繼續參加浪費金錢。

媽咪因為大肚在加耻骨痛，很久沒有去游水了，當然媽咪根本未有復原，但很想和善如在水裏玩，很想見到她天真可愛的笑容! 只是浸浸水也好吧!

培道簡介會

今天下午媽咪去咗聽培道簡介會，間學校好似舊咗少少，不過都有很多人聽，亦都很多人申請小一，因有幼稚園可以直升小學，所以學位較少，暫時得三十九個位，真的難爭啊!

善如同采叡真的一樣樣架!

誰是善如，誰是采叡呢? 真的很似樣啊!

采叡唔知係咪介咗夜奶呢?

采叡昨晚十二點鐘食完奶，今朝七點鐘先至要食，真叻女，希望佢已經介咗夜奶啦。佢個樣都係好似善如，哈哈!