Irene, Lucy and Alice 探小龍囡

根德園開學日

足足兩個月既暑假終於放完了，開學既日子又到了。

今日善如既開學日，其實都唔係叫開學日既，只係家長帶埋學生一齊番去買校服，書包，同埋講解一啲注意事項咁，正式開學係在九月七號，仲要有一個星期都只係番兩個鐘。根德園不嬲都早過第二啲學校放假，遲過啲學校開學。

得意事件簿

媽媽大肚時買咗個側睡枕，善如不知道怎樣形容這個枕，佢覺得這是斜既cushion，所以形容為"斜筍". 哈哈。

食奶

采叡而家平均四個鐘食一次奶，有時會早啲要食，但係夜晚通常都可以隔得耐啲先食，有時十一點幾食咗，朝早四點先至醒，都已經好好了。

Angela & Joanne 探小龍囡

今日Angela and Joanne 來探小龍囡呀!

迪士尼音樂劇之米奇繽紛才藝之旅

第一次去睇音樂劇，善如好興奮，睇到中途有中場休息，善如係咁催我地番入去睇，緊張到佢呢!

門口仲有蜘蛛俠同我地影相添

我地坐到正中間位，好正呀!

之前就去咗APM食咖哩飯，善如勁鐘意食。

采叡一個月了!

采叡今日一個月要去母嬰健康院檢查同埋打針，佢已經10.2磅了，善如一個月那時就10.8磅，都好接近喎，我地仲唸住妹妹會輕善如好多添。姑娘話佢進展得好好，而家采叡食五安，有時個幾兩個鐘頭又想食，就會俾多兩安佢，姑娘話佢要食由得她食。

佢地兩姊妹竟然打針都一樣，支針一打落去時就喊到拆天，門口都未出就已經收聲，門口出面啲媽媽個個都問，佢冇喊呀??　梗係有啦，不過收聲收得好快，仲要即刻瞓得好＂冧＂添。

爸爸同善如喺屋企玩

爸爸同善如喺屋企成日玩到傻哂，鍚到佢燶。朝早起身，善如一過黎媽咪間房就會問: [爸爸呢?] 一知道爸爸番工就想喊咁話好掛住爸爸。 

善如唱歌!

好耐冇聽過善如唱歌了，今次善如一口氣唱咗三首歌，仲自己唸埋動作添。

Kenix 探小龍囡

善如同柔柔玩得好開心，柔柔仲問幾時可以再來添。

Kenix 姨姨同柔柔來探小龍囡呀!

楊采叡 Jaslene Yeong

小龍囡終於改咗名了，中文名叫楊采叡，英文名叫Jaslene Yeong，同善如一樣個中文名都係由William 叔叔個爸爸改既，而英文名爸爸媽媽想找個又特別又好聽既名，最後就係由Jones 哥哥俾咗幾個爸爸媽媽選，最終就選咗Jaslene 出來的。 個中文名同英文名都好特別，爸爸媽媽好開心。

小龍囡送禮物俾善如!

小龍囡出世番屋企既時候，爸爸幫小龍囡預備咗份禮物送俾善如，其實一同善如講話份禮物係小龍囡送的，佢個樣有啲怪，但係都冇出聲。

呢份禮物善如都好鐘意，終於同佢砌完了。

舊同事探小龍囡

善如擺個跳舞姿勢喎!

今晚有姐姐來探小龍囡，小龍囡好合作，見到姐姐就開眼同佢地影相。

海洋公園

姨丈丈同姨媽媽今日帶咗善如去海洋公園，佢真係開心到震，起初當丈丈問佢去唔去海洋公園時，佢即刻話唔去，因為佢話驚玩滑浪飛船，之後姨媽媽話唔使驚我地唔玩架，因為姨媽媽都驚，佢就先至話去。

到當日佢好乖，好聽姨媽媽同姨丈丈話，冇扭計，真係好乖同埋好可愛，媽咪就最鐘意見到丈丈幫佢紮既呢條辮了，真的很美麗可愛啊!

姨媽媽話善如只係坐木馬那時就驚，真係俾佢激奀，連木馬都驚，都唔知佢驚乜。

兩姊妹都喺度笑!





兩姊妹笑得好得意呀! 都真係幾似樣喎。

善如出咗世二十幾日

小龍囡出咗世幾日

姑媽姑姐來探小龍囡

姑媽姑姐成家來探小龍囡，真的熱閙啊! 善如同思澄玩拍波玩到好開心呀!

小龍囡飲四安士奶

小龍囡平均四個鐘頭食一次奶，有時三個幾鐘就要食，試過凌晨五個鐘頭先至要食，起初是飲三安士奶的，而家就要加到四安士了，因為好多時佢都唔夠，飲完三安都唔肯瞓，係咁喊，要再俾多一安士佢，佢先至滿足，能夠熟睡。

小龍囡俾媽咪改咗個名叫"牛奶妹"，因為佢成日"嘔奶"，好難先至掃到佢風，食完一個鐘頭奶都會嘔番啲奶出來，爸爸媽媽係驚佢"俗"親呀。

恒生第一代乒乓球訓練班

今日善如上恒生乒乓球學院舉辦的第一代乒乓球訓練班，今日佢好叻，唔會怕羞，好有進步。

善如第一個帶頭跑圈，叻叻!

係咪以為善如好叻呢？點解其他小朋友個波都跌，但係善如個波可以唔跌既？教練都奇怪，點知行過去睇吓，原來善如塊乒乓球板塊膠好"絶"，所以放個波上去會黏住，哈哈，仲以為佢咁叻添。

教練考小朋友可否捉住個乒乓球，或者掂到個乒乓球。

儲貼紙 - 有禮物獎勵

善如做了乖既事，爸爸媽媽就會送一個貼子俾善如，儲夠了二百個貼紙，就可以換禮物，這個係數字畫來的，要跟住數目字去貼番啲貼子在幅畫度，善如都要分開好多次先至完成，但係當佢完成了好開心，好有滿足感呀!

善如學媽咪行路

媽咪呢個星期都要用腳架行路，善如今日無端端攞個腳架玩，仲扮媽咪行路添，真係唔知好嬲定好笑呀!

小龍囡8.03磅

小龍囡今日又要去母嬰健康院check 黃，今次終於冇事了，不需要回去覆診。今日小龍囡重8.03磅(3.65kg)。

小龍囡沐浴照

放條毛巾喺小龍囡個身上面，果然冇喊喎!

隻腳撑開哂，好得意呀!

爸爸雖然咁多年冇同咁細既BB沖涼，但係都果然係咁熟手呀!真係要讚吓爸爸先得，俾個叻叻佢!

YWCA - 畫得出色水彩畫

善如在YWCA既作品!

乒乓球訓練班

爸爸幫善如參加了恒生乒乓球訓練班，今個星期六在觀塘曉光街運動場上第一課，十堂都只是$110，真的很抵，爸爸媽媽想訓練吓善如的反應﹑敏捷啲，唔好慢吞吞，乒乓球都係一種需要速度既運動，希望善如學習到啦。

玩具工程師

光學潛望鏡

聲學音樂盒

善如在YWCA整咗好多玩具番黎，佢每次番到來都好興奮咁show俾爸爸媽媽睇。