祈禱

今次善如祈禱，啲字講得好清楚。

姨丈丈生日

今朝約咗婆婆公公同埋姨媽媽喺apm飲茶，今日公公好開心，因為纏繞咗佢好耐既腳痛因為浸咗啲喺大陸攞番黎既蕃薯滕而唔痛，公公真係好開心，希望啲痛繼續遠離佢，唔好再番發啦。

之後喺APM Shopping，夜晚就幫姨丈丈慶祝生日，去咗松屋食日本buffet，啲燒物真係好好食，善如就食咗成碗拉麵(雖然唔係好大碗，但係都好勁呀)﹑燒粟米﹑燒雞脾菇同埋雪糕。

燈籠

呢個係善如喺學校第一個自己整既燈籠。

今日爹D媽咪約咗Jones同埋Nelson哥哥打麻雀，佢地送咗個鴨仔燈籠俾善如玩 ，善如好開心呀，多謝哂!

搭校車

善如呢兩個星期搭咗校車之後情緒好差，成日都喊，啱啱今日扭計扭到瞓哂地，仲用自己個下巴去撞落地下發洩。尋日老師打電話黎話俾媽咪聽善如喺學校無端端成日喊，佢帶頭喊，之後有個同學仔見到佢喊佢又喊，但係一到唱歌環節就冇事。老師都覺得應該係關搭咗校車事，不過都冇辦法，俾啲時間佢適應，尤其佢都只係得兩歲幾啫。

Buffet

今晚爹D媽咪同姨媽媽姨丈丈帶咗善如去新世紀食Buffet，善如暫時都仲唔使俾錢，不過佢好識食，唔肯食麵，要食長腳蟹﹑老虎蝦﹑Haagen-Dazs朱古力味雪糕﹑朱古力噴泉棉花糖(仲要自己整添)仲有佢至愛既西瓜。

姨丈丈仲喺花園街買咗兩隻龜俾善如，善如好開心，不過佢成日當佢地係公仔咁周圍fing，唔知善如敢唔敢掂隻龜呢? 遲啲試吓俾佢掂吓先。

善如流鼻水

善如因為流鼻水同埋打噴嚏，所以今日唔俾佢番學，費事佢傳染到其他同學仔，爹D媽咪放工番到黎問善如掛唔掛住關老師同埋想唔想番學，佢都話想番學同埋掛住關老師，我地叫佢快啲好番咁就可以番學。

Gathering

今日我地約咗灼垣聚吓，無端端一齊玩玩下，善如被灼垣打咗塊面一吓，攪到善如喊咗好耐，激死，重俾我地影到灼垣對善如幾熱情，攪到善如不知所措添。

學校生活

尋日收到老師電話，佢話善如喺學校其實都唔係好肯講野，要用其他方法引佢先至肯講，例如關老師話:[我叫乜野老師呀?] 善如係唔會答既，但係如果關老師問佢:[我係咪陳老師呀?] 善如就會話:[唔係，你係關老師。]

搭校車

爹D同媽咪經過深思熟慮都係決定俾善如搭校車。

Day 1搭校車，一上到車，佢坐喺架車到望番出黎，個樣好唔開心，但係冇喊，放學既時候老師都話佢冇喊，不過工人姐姐話接佢既時候，見到佢好似剛剛瞓醒覺咁，塊面紅哂。

Day 2星期二因為打風所以唔使番學。

Day 3星期三朝早搭校車，善如都冇野，仲同工人姐姐拜拜添，但係放學老師話佢喊唔肯上車，可能佢扭眼瞓，之後喺車到都係瞓咗覺，醒咗就冇乜野。

仲有呢幾日瞓覺，善如都成日喊，好似好驚咁，爹D媽咪放工番黎按門鐘佢又驚到喊，開鎖匙入屋佢又喊。

善如你叻啲啦，搭港鐵仲要轉小巴，如果落雨，爸爸媽媽都驚工人姐姐攪唔掂，如果搭校車真係好方便，喺屋企樓下打風落雨都唔怕，希望你快啲適應啦!

太陽伯伯

太陽伯伯

善如最近好鐘意唱太陽伯伯歌，唱得好好聽呀!

祈禱和排隊歌

善如喺學校既生活唔係好耐已經識唱兒歌集入面既幾首歌：

1. Good morning Song　

(Good morning good morning good morning to you, good morning good morning and how do you do)

2. Goodbye Song

(Ding Dong Ding Dong Ding Dong, the bell is ringing, good bye good bye good bye, we are going home)

3. 歡迎歌

(啦啦啦啦啦啦，歡迎歡迎，啦啦啦啦啦啦，歡迎你，啦啦啦啦啦啦，一齊跳舞，啦啦啦啦啦啦一齊來跳舞。）

4. 祈禱

（感謝天父，賜我飲食，求主祝福，食後平安，奉主名求，阿們！）

5. 排隊歌

（排好隊，慢慢行，一步一步向前行。）

細表哥生日快樂

今日係細表哥七歲生日，而家住得咁近，表哥邀請我地去佢地屋企一齊切蛋糕，善如當然開心啦，有得唱Happy Birthday歌同埋吹蠟燭喎。

著校服

善如第一日正式著校服番學，好靚呀!