認字咭

善如好鐘意玩認字咭，每晚返到屋企食完飯，佢就會叫媽咪玩咭咭，所以佢好快就學識哂lu。

吹波波

今日爹D媽咪帶咗善如去公園吹波波，不過佢其實好眼瞓，加上個公園好多賓妹，好鬼嘈，所以玩咗一陣就走lu，不過善如妹妹都玩得好開心架。

善如妹妹走光呀!!

善如走光呀!!! 大家見唔見到呀，搵唔到呀?? 嘻嘻，其實係個大肚腩啫。

媽咪Happy Birthday!

媽咪今日生日，爹D媽咪放假同善如一齊瞓覺，瞓到十一點幾，之後爹D媽咪去咗馬泰食海南雞飯同埋咖哩牛腩，好鬼好味，之後去尖沙咀行吓街，行咗一陣就搭船過灣仔食晚餐，我地去咗一間叫漁府既餐廳食剌身同埋海鮮火鍋，(係爹D上網搵既)其實呢間餐廳既刺身都好新鮮，個火鍋海鮮魚湯底好鮮甜，只係海膽就"腥"咗啲，真係同北海道差好遠。不過整體黎講都幾好食。

夜晚就梗係要趕住番屋企同善如一齊切蛋糕啦，佢一見到我地返黎都唔知幾開心，仲攞對拖鞋俾媽咪著添呀，抵錫，媽咪最開心既就梗係聽到善如喺唱生日歌既時候識唱To Ma Ma.

Winnie the Pooh

善如好鐘意玩呢個Winnie the Pooh玩具，佢攞把刀將啲紅蘿蔔，菜菜，同埋肉切切，最難切就係條魚，因為要"片"，佢唔係次次都"片"到架。

婆婆生日快樂

婆婆生日，下晝去咗飲茶，之後就梗係打麻雀，夜晚去咗酒樓食飯。 唱生日歌既時候，善如好鬼緊張，係咁拍手，之後仲要吹蠟燭添。

同姨丈丈姨媽媽出街

今日姨丈丈同姨媽媽放假，帶咗善如出街，爹D媽咪都好緊張，因為善如未試過出街係冇爹D媽咪在場，我地就係順便想訓練吓善如唔好咁驚人，哈哈，好彩善如好乖，全程都冇喊過，眼瞓既時候仲好乖咁瞓喺丈丈度添。加上佢冇扭丈丈抱，好乖咁自己行咗好耐。(都話佢蝦爹D啦) 之後放工爹D媽咪join 姨媽姨丈，一齊食飯，佢初頭好似唔認得媽咪咁，之後隔一陣無端端喊，不過之後好快就冇事，我唸佢都係無端端唔見咗爹D媽咪咁耐，唔係好慣啫，善如你要叻啲先至得架，之後帶咗佢地食好好味既甜品。

流浮山一日遊

今日參加咗流浮山一日遊，善如玩得好開心，全程都好乖。 去到仲做運動俾大家睇添。

打跟斗

善如喺Playgroup就唔肯俾阿Sir打跟斗，但係佢喺屋企就肯俾爸爸幫佢打，佢仲打得好鬼開心添，打完之後仲成日拍手話好野。

數1-10

善如識得數1-10喇，不過佢數得好細聲，所以大家要較大聲啲個喇叭先至聽到。