今日終於搬屋

今日終於搬屋，一個新既開始，我地要善如習慣吓唔同爹D媽咪一間房瞓，舊時喺舊屋，善如瞓喺我地隔離張網床，佢凌晨醒咗見到我地喺隔離，佢就要我地抱佢上大床同佢一齊瞓，三個一齊瞓始終都攪到三個都瞓得唔係咁好，而家我地會將張網床放喺工人姐姐間房，由姐姐照顧善如，等佢習慣吓。

去姨媽媽屋企瞓

我地賣咗層樓，所以今日要執屋，明天就搬。BB喺屋企會好唔方便，成間屋都係紙箱，又執唔到野，所以善如就去咗姨媽媽屋企瞓，真係唔該哂姨媽媽同姨丈丈。上次喺沙巴，善如已經跟過佢地一齊瞓，不過上次始終爹D媽咪都係喺隔離房，如果佢唔肯，我地都仲可以帶返善如過黎，但今次唔得，因為姨媽媽住鑽石山，要帶佢返黎就麻煩啲，不過好彩善如好乖，冇扭計，你地睇吓佢瞓到幾Lum。不過瞓唔著既係爹D囉，因為佢好掛住善如呀。

賣咗間屋真係好唔捨得，喺將軍澳中心住咗七年，都真係幾好住，新鴻基樓果然唔同啲，加上管理公司同埋業主立案法團都好好，成個屋苑既住客同埋職員都好似一家人咁，好多職員都做咗好耐，加上佢地仲攪好多活動俾我地，又多人參與，所以成日都撞到啲曾經一齊玩既人。 不過間屋實在太細，始終都要搬，希望之後越住越好啦。

唱歌表演 - 跑步步

唱歌表演 - ABC Song

善如既主打歌。

唱歌表演 - London Bridge Falling Down

大家睇吓聽唔聽到善如唱緊乜野歌!

教BB讀咭咭

爹D媽咪教善如讀咭咭大家就睇得多，善如教BB讀咭咭就第一次見。

坐按摩椅

善如瞓咗覺，但係我地想去試按摩椅，所以爸爸要抱住佢坐，善如個面珠好得意，郁吓郁吓，但係佢都唔醒，瞓得好甜。

太古城

爹D媽咪約咗人去太古城，未夠鐘就帶善如去附近吹波波先，佢好開心，不過支槍個掣好難按，要買個第二把先至得。
最近好想買單車比善如，不過三輪車又細過頭，兩個碌隻腳又未到地，激死~

愉景新城行街街

好耐冇去過荃灣，帶咗善如去愉景新城行吓，善如竟然見到呢隻馬騮就即刻喊，俾佢激死。

2歲進度

眨吓眼善如已經兩歲，講番佢個重量先啦，雖然唔使去母嬰健康院，我地都有幫佢喺屋企磅吓，都唔係重咗好多，而家三十磅。

喺呢半年，佢識既野多咗好多，你叫佢講乜，佢都差唔多可以成句講得番出黎。識數1-13，One to Ten, 識出包剪揼。 仲識唱好多首歌添。

1. ABC Song
2. 跑步步
3. London Bridge falling down (中英文版)
4. Ten Little Indian Boys
5. Jungle Bells
6. 刷牙歌
7. 落大雨
8. Five little ducks
9. Birthday song
.......

其實佢仲有好多歌都識唱，善如俾個叻叻您。

善如夠兩歲我地就正式幫佢介片，佢而家通常砵砵都識同我地講，同埋好少喺街去，而尿尿就八成都喺Toilet，都有賴到個地濕晒，不過唔緊要，繼續努力啦。

五月之星

五月我地屋企有三個人生日，有二舅父，姨媽媽同埋善如，今日全部一齊慶祝生日，唱生日歌時，梗係唔少得由表姐同埋表哥伴奏啦。

牛牛樂園﹑嘉道理農場一天遊

善如仲抽到現金劵添，睇吓佢個樣幾得戚!

佢個扭計樣都好得意架!

媽咪幫善如參加咗一個牛牛樂園﹑嘉道理農場豬仔團一天遊，同100個家庭，都係喺2007年5月出世既BB慶祝生日，有四架旅遊車，好多人呀。善如周圍睇花，餵牛牛食草，好開心。

Chester 生日快樂

善如今日去咗同Chester 慶祝生日，個個小朋友都係男仔，得善如一個女仔，所以佢地玩既野都唔係好啱善如，佢地喺度爭車玩，見到公仔就唔要，但善如就執番個公仔攬，冇同佢地爭車玩，慢熱既善如到臨尾先至同佢地一齊玩其他玩具。