2011除夕煙花匯演

善如初頭有啲驚，不過之後就夠擔攞住黎玩了。

爸爸公司有得去上船睇煙花倒數，媽媽因為有啲事唔去了，浚瑜表姐一齊去，善如有表姐陪住梗係好開心啦。善如未試過去咁夜既活動架，佢眼瞓到死呀，好彩之後有大舅父來車啫，如果唔係爸爸抱住善如瞓都幾係野。

一樂燒鵝脾

到媽咪放假陪善如，今日媽咪帶咗善如去接爸爸收工，爸爸介紹食呢個一樂燒鵝脾，都幾好食呀，爸爸話Lunch去食仲正架，因為下午既燒鵝皮係脆架。

綠田園

有乜野開心過全家人到郊外玩一日，燒野食，玩吓車，真寫意!

西貢米芝蓮六福菜館

好耐冇喺六福菜館食野了，真係好Yummy呀，佢既椒鹽鮑魚真係冇人能及呀，介紹親個個都話一個字，正!

Pizza making - Fat Angelo

今日媽咪參加咗KV家長自己攪既party，在Fat Angelo 整Pizza，媽咪今次又係做義工，要負責收錢，真係煩到陣，幾十個家庭包哂場，剩係check邊個過咗錢未都有排攪，有啲人又過錯數，又要return番，真係煩呀。Anyway，見佢地都玩得好開心。

陳一諾出世喇!

媽咪個friend生咗個女女叫一諾，咁細個都咁可愛!

聖誕禮物

至從上年同善如講關於聖誕老人送禮物之後，今年也唔例外，善如好期待聖誕老人既光臨，放隻聖誕襪在床邊就有聖誕老人派禮物，唔知善如幾大個先至知道呢個只係一個童話呢?

爸爸趁佢瞓著咗，就將份禮物放喺佢隔離。

一起身見到份禮物，真的很開心，仲要知道係佢想要既 Stamp Chop，佢仲覺得出奇，點解聖誕老人會知佢想要乜既?



善如：〔聖誕老人呢?]
媽咪：〔派完禮物走咗喇。〕
善如：〔點解既？〕
媽咪：〔聖誕老人要去好多地方派禮物俾小朋友呀？〕
善如：〔咁佢買咁多禮物俾小朋友，佢會唔會唔夠錢呀？〕
媽咪笑咗出黎：〔唔會既，聖誕老人好多錢架?]

第一次帶善如番教會

今晚係平安夜，教會有個特別聚會，媽咪經朋友介紹下，專登帶埋善如同爸爸去聽吓，睇吓善如同爸爸鐘唔鐘意啦。唸咗好耐想去返吓教會，不過遲遲未實行，今次係一個好既開始，希望可以keep住番啦。

帶善如番教會，媽咪係好希望佢可以從信仰中得到一些快樂，人有了信仰，生活會過得更有意義，不過媽咪都未係好堅定，但係不妨一試啦!

夜晚去海港城接媽咪收工

夜晚善如同埋爸爸黎咗海港城接媽媽，媽咪真開心，因為可以見到兩個開心果，仲開始放一個悠長假期添。