善如甩埋第二隻牙了!

善如一早瞓醒覺，即刻入來爸爸媽媽間房，好開心咁話：[爸爸媽媽，我甩咗隻牙了!] 爸爸媽媽立即問佢如何甩掉的，她話我郁吓郁吓佢就甩掉了。

Babyicon 4D 選舉

我們最近去Babyicon 照4D，還參加了4D選舉，多謝各方好友投咗小龍囡一票，她最終以144票勝出，第二名都有133票。小龍女得到人生第一個獎，爸爸媽媽都好開心！

眼睛發炎

善如隻眼睛發炎，又成日都眨眼，見佢連續幾日都係咁，所以都係帶佢去睇醫生，醫生都係話細菌感染呀。食藥善如都唔係問題，不過要滴眼藥水就真係難事了，佢成日都唔肯開大眼，不過又係既，大人滴都難，難為咁細個呀。

見到小龍女頭髮呀!

今日到私家醫生覆診，醫生話我地知見到小龍女頭髮，我地都望到呀，一條條豎起哂，好得意呀! 醫生話啲羊水充足，胎盤都OK冇前置，小龍女大約已經5.32lbs了，醫生話如果足月出世，小龍女應該會過七磅，真開心，每次聽到醫生話小龍女健健康康，就很滿足了。


醫生都有問媽媽有沒有什麼特別問題，其實媽媽有很多問題，隻腳又痛﹑pat pat 又痛﹑行一陣就好疲倦，有時抖氣又不是很舒暢，開始失眠，有時五點幾就已經醒了，睡不著了。不過，我都知道這些是正常的，冇得解決，所以都不想問醫生了，只要小龍女健健康康就足夠了。

睇扒龍舟比賽

今日同埋表哥表姐一齊去西貢睇扒龍舟，其實都係睇咗兩三場，至在睇吓等有啲節日氣氛， 善如都好努力幫人打氣!

派了成績表

佢今次拿到超越自我獎，唔知係咪即刻進步獎呢! 家長日要問吓老師先。



善如派了成績表了，成績都係一般啦，不過都係interest in learning 差些。佢就來要選小學了，真的很難選呀!



好眼瞓

善如因為K2要番下晝班，放學番到黎超眼瞓，好陰公呀，做做吓功課就想瞓覺。

隻衰豬有時放學番到來就扒在地下，俾佢激死!

父親節快樂!

善如又自己畫咗張咭送俾公公，好乖女呀!

當然唔少得爸爸啦，送tie俾爸爸!

睇吓爸爸個樣幾冧!

端陽暖萬心

今日善如同爸爸去咗做義工，幫手派糭俾鳳德邨既獨居長者。



善如每次做義工都好開心架，爸爸每次換衫都同佢講: "我地變身做恒生義工隊"喇，佢仲覺得好好玩，所以佢好想變身做義工，如果媽咪唔係大住個肚唔方面，都一定會生齊去架。



派完之後仲有茶點招呼添。

爸爸見善如咁乖，獎佢食大大舊棉花糖。





善如其實好眼瞓，去到姨丈丈舖頭幫佢吹吹吓頭就瞓著咗添。

新工人姐姐

新工人姐姐來了大約兩個星期了，佢在香港已經做了八年，我唸住佢買餸煮飯應該唔係問題，點知佢有好多野都話唔識，原來之前的兩個家庭，一個家庭每日係有婆婆在家，所以婆婆負責買餸煮飯，佢最多都係幫吓手炒吓野呀洗碗咁；另外一個家庭就太太放工番來買埋餸回來，仲要話煮啲好簡單既野，例如：淥吓菜呀，煎腸仔咁。所以有好多野都唔識喎，我問佢，咁唔係日日都食腸仔架，佢仲話好多時都係，真係俾佢激死。 不過頭一個星期叫咗個舊工人教佢，都好啲既。仲有，連西蘭花係乜唸咗好耐都話唔知。

有一次真係俾佢激死，事緣係有啲濕紙巾試用裝，就叫工人當善如去完砵砵後就幫佢抺吓pat pat啦，點知啲試用裝用完，佢就在另外一個櫃找到有兩張酒樓用既濕紙巾幫善如抺，真係俾佢嚇死，佢點可以自作主張架，又唔打來問吓先，好似善如都大個囡，如果係細B，個pat pat仲使要既。

做咗八年佢都係成日唔識講廣東話，好多時都講唔出
教佢既野幾次都唔識
有時做錯野都唔係第一時間認錯，係要講到尾冇得博先至話係錯
試個一次唔知醒起身，要我叫番佢起身轉頭，仲要對唔住都唔講聲扮若無其事

其實我都知佢唔係好慣，因為之前好多野都唔使做，例如買餸﹑煮飯，但係因為我地兩公婆都番工，好多野都要工人自己做，冇佢近時咁嘆，佢一定唔慣，但係都冇法，因為遲啲仲要有個細B出世，佢而家已經攪唔掂第時點攪呀。

其實上星期日叫咗agent同佢傾過，呢幾日係好咗啲既，希望佢有改善啦，同埋我都覺得佢應該幾鐘意小朋友既。真係好工人可遇不可求呀。

媽咪陀住妹妹已經八個月了

媽咪陀住細妹已經不知不覺八個幾月了，預產期係7月30號， 爸爸今日幫媽媽執走佬袋時都話好緊張。其實爸爸媽媽同善如都好期待妹妹出世，爸爸成日都問：[唔知似唔似善如呢?] 哈哈，如果同善如一樣都幾得意。

呢次妹妹在媽咪肚裏面成日都郁，啲人話第二胎會好容易感覺到bb郁的，我真係好大感覺，加上爸爸同善如都睇到好多次bb郁添。唔知呢個囡囡係咪活躍啲呢? 因為善如係較為慢熱，要同人相處 一段時間先至夠擔同人講野，去到公園有啲危險啲既都要人扶住，係一個穩陣派。

父親節晚飯!

今晚同爺爺食父親節飯，見到思澄表妹同佢玩咗一陣，不過思澄表妹都好怕羞。不過唔記得影相添。

在冒險樂園真開心!

善如去冒險樂園最鐘意就係玩撈鑽石，今次玩咗三次就撈到呢粒咁大既花花鑽石了，佢開心到陣呀!

去咗Megabox玩滑梯

終於幫善如剝咗隻牙喇!

善如隻牙都未甩，後面那隻就己經出咗好多了。

善如呢幾日已經覺得隻牙好影響到佢食野，因為已經好鬆了，成日搵隻手黎攪佢。有一日佢仲好勇敢咁叫爸爸，不如你幫我剝咗隻牙佢啦。但爸爸媽媽都冇呢個勇氣去幫佢剝出黎，因為成日驚剝唔到，吊住吊住咁好核突。點知今晚去食飯既時候，佢食食吓薯仔，突然間話好痛，之後見佢成口血，我地仲唸住佢已經甩咗出黎，喺啲薯仔度，點知原來仲未甩，隻牙仲喺度。之後媽咪真係頂唔順了，因為見佢好辛苦，就幫佢剝咗佢。

以上既video好核突架，如果驚既就唔好睇了，因為呢個video係影低咗媽咪幫善如剝第一隻牙既情景，媽咪都覺得好核突架，剝完之後，媽咪仲反胃添。

爸爸同善如一齊畫既畫

善如同爸爸一齊畫既畫。

新工人姐姐來了!

今日新工人姐姐來了，今次有幾日時間叫舊工人教新工人，咁爸爸媽媽就唔使攞假了，加上舊工人姐姐都ok，先夠膽叫佢教，如果唔係就梗係唔好叫佢教啦。

上星期五farewell 工人姐姐，同佢出咗去食日本野，佢當然好開心啦，講真，爸爸媽媽都真係有啲唔捨得佢，佢係我地請咁多個工人最好既一個，我都有話如果第時佢結完婚番來要搵工做，我地都會試吓叫佢打俾我地睇吓使唔使請工人，用番佢，佢聽完都好開心話好。

舊工人姐姐因為要番去結婚同埋生仔，所以合約未完就已經要走，其實呢個工人姐姐都幾好，不過佢適合湊大些既小朋友，如果小龍女出世佢就可能唔係好handle到，反而新請呢個係在香港做咗八年，兩個contract都係由new born開始湊，湊了四年，自己在家又湊個自己的小朋友，希望佢攪得掂啦，不過個樣就好似老咗啲，anyway, 希望佢做得好，而家請個好既工人真係好遇不可求。

我地昨天先至同善如講會有新工人姐姐來，佢聽完就問點解，我地話佢知因為工人姐姐要結婚同埋生小朋友，佢就好似開心些。今日下午，我聽舊工人姐姐講話善如問佢係咪要番去，工人姐姐話係，善如就話如果我好掛住你咁點呀? 之後就喊了。我地相信善如一定適應到既，等佢知道姐姐係番去做開心事，佢個心都開心些。