迪欣湖

今日突然間想去迪欣湖，叫埋大舅父成家一齊去，去到租咗兩架船，善如自己坐一個位，我地初頭都有啲擔心，因為會坐成一個鐘頭，如果佢突然間話要抱或者要起身都唔知點算，但係好彩佢全程都好乖，我地叫佢要拖住爸爸隻手，唔可以起身架，佢真係好乖冇起身，全程都拖住爸爸隻手，同埋一啲都唔驚。

燒野食

今日爸爸突然間心血來潮話想同善如去燒野食，想俾善如自己燒佢最愛既腸仔，為咗方便，我地揀咗喺屋企樓下有架巴士可以20分鐘直達既花卉自助BBQ，雖然啲野食都普普通通，不過勝在可以過吓癮。

善如自己燒野食

玩吹波波

食雪條食到好滋味

同企鵝影相

因為有飛所以去咗灣仔美食節，行咗一陣，就去咗銅鑼灣行街，見到有企鵝，又影咗啲靚相喇! 善如同啲企鵝好襯呀，都係肥嘟嘟，哈哈!!

因為有飛所以去咗灣仔美食節，行咗一陣，就去咗銅鑼灣行街，見到有企鵝，又影咗啲靚相喇!

BB也Shopping

今日帶咗善如去玩具反斗城買禮物，佢今次好開心，因為除咗可以收禮物之外，佢仲可以好似大人咁攞架購物車去揀野，佢行行吓仲同人地講excuse me 添。

入咗海港城入面影靚相

爹D媽咪收到善如送既聖誕咭呀

今日爹D媽咪拆信既時候，收到學校寄黎既信，以為係啲乜野黎添，原來係學校寄黎既聖誕咭，下款當然係善如啦，之後我地打開佢問善如，咦，將咭邊個整架，善如答話係佢整架，媽咪問佢邊個教你整架，佢話係關老師教既。



















呢條係喺學校整既圍裙，有好多鴨仔好鬼得意架!

善如演唱會

善如每日都要同大狗細狗，大monkey同埋細monkey瞓覺，今日佢話要唱歌歌俾佢地聽，咁爹D媽咪就放哂佢地喺梳化度聽善如唱歌喇! 佢唱到臨尾因為冇氣，所以就用"Hum"黎代替添。


其實呢首歌係善如沖涼既時候，媽咪唱俾佢聽架，佢好叻，都好快就學識，不過成日都錄唔到，你地知啦，要好睇小朋友既心情架，有時你一攞個相機出黎，佢就唔唱喇，今次算錄得好好喇!

小小的宇宙 歡欣的宇宙
像地球天天轉 奇妙事不斷有

愛動腦筋活潑天真
凡事好發問 踢波跑步打鞦韆
不知天高地厚

小小的宇宙 歡欣的宇宙
像地球天天轉 奇妙事不斷有

影靚相

為咗拍到善如既燦爛笑容，爹D媽咪決定買咗部新相機幫善如留住佢最美麗既一刻，媽咪貪新鮮，所以影咗好多相。

善如要覆診

善如都仲未好番，又要再睇醫生，今次啲藥唔同。善如進步到可以一啲反抗都冇，仲好開心咁食添，但係我相信啲藥都幾甜既。

食藥

善如已經退咗燒，係仲有咳同埋有啲流鼻水，呢兩日都冇番學，尋晚凌晨善如咳到死咁濟，我地唸住睇吓仲有幾多藥剩，睇吓使唔使再睇醫生，但爹D見到啲藥仲有好多，所以好奇怪咁問工人，你究竟每次俾幾多善如食架?? 要俾一格喎，佢原來俾咗1 ml，真係俾佢激死，媽咪之前已經講得好清楚俾工人聽，上次食都係食一格，佢就識，今次就無端端俾1 ml咁少。我地計過，一格其實等於差唔多5 ml，佢俾得1 ml，咁善如梗係咳到死都唔好番啦! 不過婆婆都講得啱既，好彩係俾少咗，如果俾多咗就大件事喇，例如應該俾1 ml但係佢就俾5 ml，咁就死喇!

善如之前因為唔肯食藥，所以我地不嬲都將啲藥放喺啲奶度，善如今晚飲完奶，突然間嘔哂啲奶同埋啲藥出黎，之後我地就試吓用針筒餵佢，佢初頭都唔肯，即刻走入房，之後媽咪解釋俾佢聽，因為善如咳得好犀利，所以要食藥，食咗藥就唔會咁辛苦，好快好番，佢就竟然肯飲，善如好叻，不過加上可能今次啲藥冇咁苦。

發燒

善如俾爸爸傳染，下晝都已經有啲咳，隻病菌好鬼勁，夜晚就即刻發燒，俾住之前啲藥佢頂住先，聽日就帶佢去睇醫生，媽咪已經話咗爹D唔舒服就唔好錫善如喇!

善如好乖，肯俾媽咪幫佢探熱，仲有我地用小童退熱貼既時候，佢初頭即刻想整開，之後爹D媽咪同佢解釋，同佢講將退熱貼會令到你舒服啲，唔會咁熱架，佢即刻好乖咁俾我地貼，冇再整開佢。

善如既第一首國語歌 (十個印弟安小朋友)

其實今日放工返黎，善如已經唱過幾次比爹D媽咪聽，不過唔係唱得好清楚，我地仲以為佢唱廣東話添，點知我地夜晚臨瞓前跟下佢唱，佢就話"唔係咁樣，係咁樣！"，佢就再清楚啲唱比我地聽，真係比咗個驚喜我地呀，善如叻叻呀！首歌應該係老師教佢唱架！

十個印第安小朋友

一個二個三個小朋友

四個五個六個小朋友

七個八個九個小朋友

十個印弟安小朋友

收到根德園幼稚園既result喇

今日收到兩間幼稚園既信，善如終於憑住太陽伯伯呢首歌入咗根德園幼稚園下午班，雖然係下午班，但係爹D媽咪都好開心，創價就冇收到善如，不過好彩啫，如果係倒轉就冇咁開心喇!

根德園係一間程度較為深，中文同數學都幾好既學校，仲有好著重小朋友自律，同埋守紀律，佢地會訓練到小朋友好自覺性地做功課，雖然間學校較為谷學生，但係啲小朋友都好鐘意番學。

下年九月就會正式讀K1，希望善如可以喺根德園幼稚園吸收多啲知識，同埋開開心心!

幫爸爸洗頭

善如無端端叫爸爸瞓低，話幫佢洗頭，爸爸就幫善如洗得多喇，佢好鬼得意呀!

戒尿片

今日老師打黎俾媽咪，話善如而家喺學校都開始講多咗野，所以可以開始試吓同佢戒片，因為佢如果有需要既時候都會夠膽同老師講去洗手間，加上老師話佢半日條片都冇乜點濕過。

其實善如喺屋企就已經冇著片好耐(除咗瞓覺)，係出街先至有著，爹D媽咪都係有啲驚，所以照同佢著，不過就成日帶佢去洗手間，所以全日條片都冇濕過既。

爹D生日快樂

爹D今日生日，因為爹D要Training所以請唔倒假，放工就去咗食爹D最鐘意既日本放題喇，雖然驚攪到好夜，善如聽日又要番學，不過爹D都係想番去接埋善如出黎食，善如一見到爹D媽咪，開心到痺。

睇吓佢食雪糕食到幾鬼得戚!

因為食日本野冇蛋糕切，所以番到屋企就切番蛋糕，善如就最鐘意喇，因為佢好鐘意唱生日歌同埋吹蠟燭。

創價幼稚園Interview

今日去咗創價Interview，去到有個室內既playground俾小朋友玩，比佢地warm up下, 之後就入間房interview，一入去到，因為間房都幾大，有兩個老師坐喺最入嗰度，善如行咗十幾步都未埋到去又開始驚同退番後喇，死都唔肯行前多幾步坐低，之後老師唯有問媽咪野啦.

1. 平時邊個照顧善如呀?

2. 放假同善如去邊到玩呀?

3. 平時放工同佢玩啲乜呀?

4. 佢係咪比較慢熱? 驚啲陌生人呀?

5. 讀緊幼稚園適唔適應呀?

6. 對小朋友有乜野期望呀?

再過多陣老師攞啲膠生果俾善如玩，佢又唔玩，不過終於肯坐低喇，之後攞本書俾佢，佢就只係答咗本書入面個公仔: [係爸爸同媽媽黎喎~]，媽咪即刻問，書入面個爸爸揸住乜野呀? 善如答:[鑰匙。]

喺playground既情況

九龍灣睇Bear Bear

同善如玩咗一陣，之後就帶咗佢去九龍灣睇Bear Bear，好多好大隻既Bear Bear 佢好鐘意呀，加上佢仲揸住姨媽媽個朋友Winnie Chan姨姨送既Bear Bear黎影相，特別開心呀!多謝哂Winnie Chan姨姨。

維園打鞦韆

善如真係好鐘意打鞦韆，爹D媽咪今日未唸到去邊到，之後問善如想去邊? 佢話想去打鞦韆，咁爹D媽咪就順佢意帶佢去維園打啦，佢真係好開心，原來一個鞦韆就可以令到一個小朋友笑得咁開懷，咁開心，我地做大人既都要學吓佢地，爹D媽咪見到佢啲咁天真既笑容，真係乜煩惱都冇哂，真係好多謝善如俾倒咁多開心同歡樂爹D媽咪。

扭腰腰做運動

著住全套運動衫做運動，特別可愛呀!

飲思樂冰

爸爸曳曳，俾善如飲思樂冰，點知佢覺得好凍，所以吐番出黎。

根德園幼稚園Interview

今日要去根德園幼稚園interview，時間係3:15pm，驚住善如會瞓覺，都儘量令到佢精神啲，同佢玩吓同埋俾吓糖佢食，搵咗一陣先至搵到間學校，一去到門口見到幾十人企哂喺門口，真係好誇張，去到門口話只係可以一個人家長陪善如入去，咁呢樣野梗係媽咪做啦，由3:15pm開始等，等到4:00pm先至有得見，中途入過幾間waiting room度等先至正式入去interview，喺啲waiting room到，善如都已經好眼瞓，有啲開始"炆"，唯有用糖黎引佢等佢唔好瞓，中途仲去咗一次toilet添。

到正式interview，有兩個老師負責見我地，一個老師叫善如坐喺張椅度，佢唔肯，個樣仲好似好驚咁，老師講咗好多野黎引佢，之後善如見到老師有個用刀切麵包既玩具，佢好想玩，先至肯行過黎，再之後就玩顏色加形狀既積木配對，雖然佢冇乜點玩過，但係都做啱哂。

喺呢個時間，突然間佢就肯坐低喇，之後再有以下既測試：

1. 有隻磁石羊仔，分開咗隻羊仔要佢合番埋佢，善如都OK做到

2. 有幅圖問佢呢個係邊個黎，佢一手俾番老師唔要，話要玩切麵包

3. 之後老師就再同佢玩切麵包，玩咗一陣老師就問番善如幅圖既野

呢個時刻另外個老師就問媽咪野喇，所以媽咪聽唔到善如答咗啲乜。

媽咪都有好多問題要答架：

1. 善如介咗片未呀?

2. 平時邊個湊呀?

3. 平時幾多時間陪善如?

4. 平時同佢玩乜呀?

5. 點解會識得我地呢間學校?

6. 點解要選我地呢間學校?

最後，老師要求善如同媽咪一齊唱歌，咁媽咪就選咗"太陽伯伯"，善如第一次唔係好肯唱，之後媽咪就叫善如，不如你放低把刀先啦，我地一齊大聲啲唱啦，之後佢突然間又好開心話好，就肯唱哂成首太陽伯伯，雖然佢始終有啲驚，所以有啲字唱得唔係好清楚，但係都好叻喇，臨走叫佢同老師講拜拜佢都肯，唸住攪掂啦，點知老師叫我地交張Form去門口時，又有個老師坐喺度，會俾糖糖食，老師問善如:[頭先有冇同老師玩呀?] 善如答有，之後老師問:[同老師玩乜野呀?]，善如唸咗一陣，佢話:[玩麵包囉。] 但係老師好似聽唔到，唔知望鬼咗邊度，之後媽咪就講多次，係喎，頭先同老師玩切麵包喎。]最後佢都肯同老師講多謝同拜拜，不過要媽咪提既。

成個過程攪咗成個鐘，4:15pm先至走得，爹D喺學校個公園等，見到爹D善如好開心，爸爸一抱佢，佢唔夠一個字就瞓咗。

雖然呢間係媽咪最想佢讀既學校，不過一切都係由天注定啦，以善如咁眼瞓有咁既表現，爹D媽咪已經覺得好開心喇!

Happy Birthday

今日預早同爹D慶祝生日，今日善如好乖，講好多野，仲唱咗好多首歌俾哥哥聽添，因為多人喺屋企，善如好野性唔肯瞓覺，下晝只係瞓得三個字，所以夜晚冇帶佢出去食飯，善如冇得食大閘蟹lu，啲蟹好好味呀!

Butterfly

善如扮butterfly飛

Hide and Seek

善如同爹D最近既新玩意就係玩hide and seek喇，善如個樣好鬼馬架!

唱歌歌

善如又學咗新歌喇。

做運動

伸伸手，彎彎腰，跑跑轉轉轉

做運動，身體好，一起跳跳跳

買Boots

今日同善如去銅鑼灣買鞋，見到ELLE有對boots幾靚，就即刻叫個Sales俾善如試，之後搵左一對大小小的，唸住佢隻腳好快大，之後試既時候，個姐姐叫我地唔好幫佢拉拉鍊住，塞隻手入去對鞋到，睇吓隻腳既size啱唔啱，有冇位剩先，咁我地度過都大咗啲，不過都OK既，點知一拉拉鏈就出事，條拉鏈竟然拉唔埋喎，之後爹D對住個Sales話:[點解隻boots個"筒"會咁窄架。] 之後個Sales一度笑住但係又唔係咁好意思咁講:[其實唔窄喇，係佢隻腳比較多啲肉啫。]

慘啦，善如唔通真係要減肥!!

Halloween

今晚Halloween，同善如去咗食韓國燒烤，因為差唔多九點先至食，所以善如好肚餓，佢食咗好多野，真係唔變肥豬都唔得呀。

善如今日剪頭髮都好定架。

同嫲嫲和太嫲去維園

今日同嫲嫲同太嫲去銅鑼灣飲茶茶，之後又去咗維園打鞦韆，善如今次玩得好開心，仲可以玩得比上次高啲添。

工人姐姐生日快樂

工人姐姐今日生日，爹D媽咪買咗個蛋糕同佢慶祝，最開心就梗係善如啦，因為佢又可以唱生日歌同埋吹蠟燭。

維園打鞦韆

難得焯垣同善如玩得咁開心，所以專登帶佢地去維園玩一陣。善如今次係第一次坐鞦韆，佢好似好鐘意咁，但灼垣哥哥就唔係好鐘意坐。

新都城睇馬馬

今日去咗新都城睇馬馬，善如唔敢掂，剩係夠膽望。

帶佢去睇烏龜，有個男仔無端端衝埋黎捉住善如件衫領，我地仲以為佢捉住佢條頸，嚇到爹D 即刻扯開個細路仔，爹D隻手仲比個細路抓損咗添呀，之後善如只係識得行埋黎爹D到，今次佢就冇喊，但係都係唔識反抗。

善如打保齡球

善如咁細個就識打保齡球?? 係呀，不過係打機啫。

工人姐姐

學校要求我地喺屋企每日都要幫小朋友探熱，每朝早工人姐姐幫善如探完熱之後，就會寫個溫度喺張學校預備既紙到，之後佢就要俾我地簽名確認，先至可以交俾老師。尋日工人姐姐因為唔記得咗俾我地簽名，佢就自己簽，其實我地已經好嬲，但我都係唸住佢簽自己個名啫，原來佢仲要係簽我個名，嬲到我地死。番到屋企問佢:[點解你要簽太太個名?] 佢仲要答我:[太太，咁唔通唔使填咩?] 真係俾佢激死。我相信大家都明白，其實呢件係好少事，但係佢個concept唔得，點解可以隨便簽我個名架，佢仲要唔覺得自己有錯，真係激鬼死我呀。

就係因為夜晚閙完個工人，所以瞓得唔係咁好，所以五點幾就醒咗， 唸住入房睇吓善如，之後我一打開門，竟然見到個工人坐咗喺自己將床到，開住盞燈玩電腦，仲要見到善如開咗一半眼，叫我媽媽，我真係激到死咁濟，問個工人點解會有部notebook，又話人地送，遲啲會俾佢自己個家姐玩，問佢用咗幾耐，就話大約兩三個星期前開始用，一個星期用三次到，每次都係呢個時間用。 我問佢你知唔知咁樣會攪到善如瞓覺瞓得唔好(因為佢同善如張床係平排咁濟)，我話你個電腦啲光閃吓閃吓咁，善如瞓瞓吓覺醒咗見到會好驚喎，我終於知道點解善如上一排會唔肯同姐姐瞓，寧願瞓聽，我真係覺得善如好慘，一個星期兩三次都冇覺好瞓，仲要之前我已經係咁問個工人，你喺床有冇做過啲乜，點解善如咁驚，佢仲要死都答我冇，而家終於水落石出。

喺呢件事到我唸番起善如好叻，其實佢有任何唔對勁既野，佢會用盡佢既方法話俾爹D媽咪聽，所以善如唔肯同姐姐瞓，唔肯入房瞓，寧願瞓地下係有佢既原因既，佢扭咗咁耐計，都係要話俾我地聽佢瞓得唔好，同埋可能真係驚。所以忠告大家，有時小朋友做咗啲野出黎，可能真係有佢既原因架，好彩今次媽咪知道咗，如果唔係，善如晚晚都瞓得唔好，但我地又唔知，真係慘呀。

唱歌

又有新歌聽喇

快樂笑笑

快樂笑笑，快樂笑笑，每個小孩快樂笑，

HaHaHaHa, HoHoHoHo, HeHeHeHe, 快樂笑。

我的身體

我有一雙小眼睛呀，我有一雙小眼睛呀，眨一眨，眨一眨多明亮。

搭校車

善如而家喺搭校車好開心，每次喺屋企樓下等車既時候都好乖，一見到架車就好開心，仲喺咁同我地講拜拜同埋話自己叻叻添。

善如畫畫...好得意呀

今日爸爸教善如畫畫，爸爸叫佢畫個大圓圈，之後大圓圈入面畫隻眼，佢真係識得畫兩個圓圈，然後爸爸叫佢畫眼珠，佢就畫多兩個圓圈喺隻眼入面，(爸爸就教佢填黑隻眼珠)，再畫nose, 佢就畫一點係中間，之後再畫口口，佢就畫一條線，畫埋耳仔，同埋頭髮，佢全部都識得每個位喺邊度，之後爸爸就叫佢畫多一次，佢已經可以畫到個成個公仔形出黎，呢張就係佢畫既公仔喇，勁得意呀!

媽咪番到黎，叫善如畫多一次俾媽咪睇，你地睇吓個video，佢真係畫倒喎，真係開心死爹Ｄ媽咪呀。