采叡報幼兒園

爸爸一早走去坑口綠茵幼稚園, 幫采叡報名, 下午又要再趕回醫院照顧采叡豬, 真是忙到不得了!

善如開學日

今日善如開學日，爸媽真的忙碌了，采叡入了醫院，爸爸早上要幫采叡報幼兒園，所以叫了工人和婆婆時到醫院幫手，等爸爸可以到綠茵幼稚園報名。媽媽就要帶善如到學校開學日。 暫時對這間學校的感覺良好，家長聽完講座，就可以到班房接小朋友，班房的setting是每四個人一組，是很活動教學的。希望她在學校生活得開心﹑快樂學習及成長。

采叡打醫生

采叡因為俾護士捉了到病房抽血和咳痰，喊了很久，爸媽在病房出面聽到喊聲都喊了出來。一出到來見到爸媽立即伏在媽咪身上，好似好想叫我們救她咁，真心痛! 自始之後，采叡一見到醫生和護士就喊了。 有一次，醫生巡房入來唸住幫佢聽吓心口，點知采叡打了醫生隻手一吓，唔想俾醫生掂，令到我們都哈哈大笑，護士立即笑住說，你做什麼打醫生呀? 你咁攪笑既? 之後醫生就話，你好醒目喎。之後采叡伏了在媽咪身上，才俾醫生檢查。

采叡入了醫院呀!!

采叡流鼻水，咳同埋好多痰，發燒又燒了六日都唔退，睇了兩次醫生都冇用，今晚最終忍唔住帶佢到法國醫院睇夜診，醫生認為她要入醫觀察，要留院啊! 陰公豬，媽咪臨時請假陪她住醫院。媽媽陪了一晚, 爸爸就兩晚, 出院時仲帶走一大袋藥添呀!

搖船船

善如和妹妹一齊玩搖船船

Baby Mini-Mo 2013

今天很難得有機會在海港城行catwalk，善如做mini model，善如既表現，真的出乎意料之外，因為她平時真的很怕羞，但今天第一次行天橋，有這樣的表現，真的令爸媽安慰，還有，有媽咪成家人到場支持，令善如更加開心﹑快樂!

亨亨Birthday Party

今日去根德園同學仔生日會, 在名家匯既會所玩, 仲有埋泳池比小朋友們玩下水添呀!

在婆婆家四圍走

采叡到婆婆家中食晚飯, 之後仲四圍走, 帶比大家好多歡樂!

打鞦韆

今日帶采叡打鞦韆, 睇下她幾開心, 仲有家姐幫手推添呀!

第一次睇電影 - 極速Turbo

爸爸同事介紹這套戲給善如睇, 又真的幾好看, 善如第一次睇戲仲有埋表哥表姐壯下膽, 全程都睇得好開心, 真的唔該晒!

采叡食橙橙

采叡食橙橙，個樣好得意呀!

媽咪加入跑步步

雖然今日天氣非常酷熱，但我們也繼續去跑步，今日連媽媽都放假加入跑步keep fit既行列, 看見她們3個一齊散步都出晒汗個樣都好鬼好笑!

采叡電人呀

善如家姐細個都試過電到媽媽暈低, 估唔到叡叡都咁勁喎~

和表姐跑步步

爸爸放假可以陪善如過13日既暑假, 好彩天氣很好可以跑了好幾日步, 有兩日連浚瑜表姐都加入添呀, 雖然她倆表姐妹都是散步多過跑步, 但都出都身汗既, 就帶下她們去食好味意大利粉和飲Pacific Coffee嘆下喇!

爸爸放假天

爸爸放9日大假, 加埋星期六日有成13日, 可以帶善如去游水和跑步, 希望可以幫佢減下肥喇!

善如真的呷醋了!

可能因為采叡始終係BB，爸媽每次見親她們都會笑, 但最近善如做野成日激親爸爸媽媽, 有日善如就問喇: 媽媽點解妳地望住細妹就咁開心, 望住我就咁惡既....!

我覺得你地鍚細妹多啲呀! 仲有呀，上次你入醫院生細妹既時候，我都好掛住你，好想去探你，但你又唔俾。] 原來這些事，善如已經屈咗在心很久了，她終於今天肯說和哭出來，覺得爸媽生了妹妹之後，冇咁鍚佢。媽咪之後當然同佢解釋，爸媽最鍚的都是善如和采叡，兩個都咁鍚，不過善如著數些，因為她做大的，爸媽已經鍚了她五年，采叡才出世，永遠都是鍚多她五年。她才明白和放鬆心情。

采叡跌親，牙肉流血呀!

今日爸爸看住采叡既時候太疏忽喇, 竟然比她跌落地, 個咀碰到張椅子, 當堂成口血, 應該撞親牙肉, 工人姐姐立即過來抱起她, 還想鬧先生咁唔小心咁添呀!

采叡18-24mths的褲都唔啱著

叡叡有個大肚腩頂住, 好多衫都要著18個月既碼材合身, 但呢次竟然18-24個月size既褲都唔啱著, 真係誇張!