學生相

根德園唔似迦南咁，學校可以幫佢影埋學生相，所以爸爸媽媽要幫善如影，佢個衰豬唔肯坐定定，攪到影咗好耐先至影到，呢啲姿勢都唔知邊個教佢擺架，睇睇吓佢件校服都幾靚呀!!

爸爸幫善如整咗張趣怪既學生相，哈哈，幾得意!

最後一堂 - Creative English Workshop

爸爸無端端今朝要番工，所以媽咪帶埋善如去拜太婆同埋叔公，之後就要趕住番迦南最後一堂既Creative English Workshop，攪到成家都要去藍田join埋爸爸飲茶等善如放學，我地一齊去接善如放學，善如好鬼開心。之後姨媽媽帶善如番屋企瞓覺，爸爸媽媽就去咗行街，真係唔該哂姨媽媽。

暑期班

暑期班教咗善如用廢物整好多環保既物品。




用膠袋整既背心裙!



用膠袋同廢紙整既降落傘

健康Shake Shake杯，有粟米粒﹑青豆﹑紅蘿蔔粒﹑火腿粒﹑牛油﹑紫菜粉


特色紫菜卷：去皮方包﹑甘筍條﹑青瓜條﹑火腿條或雞柳﹑沙律醬﹑紫菜。

番學 - 環保意式

媽咪幫善如報咗迦南暑期班，由8月11號開始番學，佢聽到番學就好開心，呢個暑期班最主要係教佢地環保意式，前幾日要開始搜集野，要搵啲鋁罐﹑膠樽同埋廢紙既圖片，要貼去將工作紙度。


善如剛剛識分辨藍廢紙﹑黃鋁罐，啡膠樽，嘻嘻，不過可能好快又唔記得架。

著三點式游水水

善如今日同公公﹑姨媽媽一齊落去會所泳池游水，梗係唔少得著番見三點式泳衣啦，善如件泳衣成日都走位，哈哈，偷偷地影咗幾張相。

三點式泳衣終於出場喇!

媽咪揀咗好耐，都揀唔到三點式泳衣俾善如，好多朋友都好想睇吓佢既泳衣照，今日姨丈丈同姨媽媽送咗套俾佢，我地已經急不及待喺姨丈丈間舖頭俾善如著，(當然等其他人走哂先啦，如果唔係咪睇蝕哂。) 果然好靚! 睇吓佢個肚腩呀! 哈哈!

跳完芭蕾舞好開心!

善如跳完芭蕾舞出黎喺度扮鴨仔跳，睇吓佢幾開心。

白頭髮

今日善如去姨丈丈到洗頭，突然間俾姨丈丈發覺佢竟然有一條白頭髮，咁細個就有白頭髮，唔係掛!!

得意事件簿

唔應我??

前幾日爸爸唔知做乜發緊夢，善如叫咗佢幾聲都聽唔到，之後媽咪就話爸爸，佢叫咗你幾聲你都唔應佢既，之後爸爸先至突然醒覺應善如。估唔到善如真係學得咁快，當今日善如食完奶，佢好細聲咁叫爸爸幾次，因為太細聲所以爸爸聽唔到，點知善如就話，我叫咗你幾聲你都唔應我既，乜你聽唔到咩。

媽咪打噴嚏

媽咪打噴嚏 之後話excuse me，之後爸爸玩媽咪話：[乜你咁大聲架?? 嚇死人咩!!]之後善如竟然幫媽咪答爸爸：[媽咪都唔係好大聲之嘛!] 之後爸爸話：[咁頭先我打噴嚏既時候，都唔係好大聲，你又話我嚇親你??] 之後善如就唔出聲，媽咪好得戚咁哈哈笑。

教汪汪讀書

Can you see the ....?

善如喺學校學既其中一個Topic係Can you see the ...?? 佢今日無端端敎汪汪講，好得意，仲話great! 同埋good添!

@冒險樂園

朝早同善如食完早餐，就帶咗善如去跳舞，下晝爹D媽咪同善如瞓咗成三個鐘頭晏覺之後，就約咗姨媽媽同姨丈丈食野，食完野之後就帶善如去冒險樂園玩一陣，佢喺冒險樂園玩得好開心。