得意事件簿

善如在床上
采叡：唔好踢我啦!
善如繼續踢
采叡：唔好踢我呀!
善如仲係繼續踢
采叡：善如，你唔好再踢我呀!

采叡平時好少直接叫善如，通常都叫家姐或者家家，哈哈，佢識得如果閙人時，就咁叫家姐個名。 蝦有天爸爸在蝦緊家姐，家姐無力反抗，之後采叡好得意咁講咗句;[你唔好蝦我個sister吓!]

「聖誕童遊海港城」電視特輯現場表演

http://youtu.be/7k70FlKacxA?list=UUFATknqPry6JJ7teK-7hhFg

http://youtu.be/Kfb97uvLSFc 

「聖誕童遊海港城」電視特輯＠Harbour City

拍攝video

「聖誕童遊海港城」電視特輯 彩排@CWB Dance Union

好難得既機會，讓善如可以參加到在海港城表演跳舞，這次難得的機會，希望她永遠難忘！

雖然好辛苦，因為是在夜晚七點幾開始彩排至到十一點，跟本就未有時間做功課，下一日朝早五時起身做功課。

善如轉校了

爸媽做了一個重大的決定，就是替善如轉校，因為嘉諾撒聖方濟各學校真的較為深和教既野好快，以善如慢吞吞的性格她真的跟得很辛苦，好似考試咁，四份卷有三份都做唔哂，英文份卷又係誇咗啲，45分鐘要她們做12頁紙，仲要不是就咁圈或填英文字母，有兩個閱讀理解和有很多野要填的。長此下去，都不是辦法，加上她做功課又超慢，日日攪到十一點都真係唔係辦法。

最終爸媽決定考聖公會油塘基顯小學，是表妹現在讀緊的，一個站地鐵已到，又早些放學(之前放3:30pm，有時仲要成3:50先接到她，攪到成五點先開始做功課)，基顯2:50pm已經放學了，三時半已經可以開始做功課，時間相對好好多。

今次轉校，只希望善如有番童年，爸媽真的不想見到她每日都只是做功課，做到十一點，根本就沒有時間玩耍，休息，不過，善如都是較為懶散，希望轉了校之後，會令到她重拾自信，快啲攪掂啲功課，每晚都可以和妹妹玩耍。

爸媽只希望善如能夠開開心心咁生活，但都希望她知道自己現時既責任是讀書，希望她能愉快學習。

白沙灣/三星釣魚會

難得今天姨丈丈放假，可以一齊到西貢白沙灣釣魚和游泳，真的很開心! 雖然全部釣的都只是泥鰍，但起碼爸爸媽媽可以過吓手引，都好過冇。

采叡第一日番迦南N班

采叡第一日番適應班，幼稚園安排了三天可以讓一位家長陪同進入課室，這兩個星期都只是返一小時，八月中就開始番兩小時，到九月就正式番三小時了。 上學途中，采叡成日都要媽咪抱，姐姐和家姐在旁邊逗她，她也不肯，采叡心情不是太好，可能因為早起床的關係。 回到學校，采叡不肯排隊，因為想攪學校啲玩具，等了一陣，她才肯入課室，入到課室，她周圍望。
 第一日的活動： 
唱Good morning song 玩玩具: 終於肯坐低玩玩具了，起初她要玩其他同學仔啲玩具，之後佢都好乖地玩住自己那個玩具先，等小朋友玩完才玩。
影相：媽咪抱住佢對住老師影相，她死都不肯望鏡頭，又唔笑。
洗手間：隔了一陣安排去洗手間，她去到洗手間好乖，自己去完沖水和洗手添。
唱歌跳舞：坐定定唱歌仔，每個小朋友都拿住沙槌聽音樂打節奏，有啲仲唱埋歌添，但采叡都屬於觀察型，她有玩沙槌，但沒有唱歌。
聽故事：老師講故事時，采叡好留心聽，老師叫同學們和公仔握握手，采叡都肯。
講自己個名：老師用公仔引小朋友講自己個名，采叡都有講，不過好細聲。
點名：今天還有點名環節，老師叫到采叡佢唔肯舉手，不過佢有答"到"。
主動執玩具：老師話要收拾玩具，起初采叡唔肯的，之後又好乖咁交玩具俾老師。 最後，唱Goodbye song，排隊拿糖糖食，采叡都好乖有講唔該老師。 

一出到門口，她就要媽咪抱，之後立即俾粒糖佢食，佢都只係肯行一陣，不過睇佢個樣就知道佢超眼瞓。 隔離有些同學都識講好多野，原來問三個同學仔，三個都係在1-3月出世，大采叡成半年。但采叡都ok，我見佢玩玩具都識哂啲圖形，叻囡!采叡加油努力! 希望你開心快樂咁成長和學習。

在家開帳幕玩

今天，爸爸開了個公主帳幕俾佢地玩，佢地非常開心!

七月之星!