同Sophia 姨姨拜年

今日去咗跑馬地Sophia姨姨屋企拜年，佢好開心同啲姐姐哥哥玩波波，玩到成十二點先走，善如好叻，冇扭計，番屋企全程爹D媽咪逗佢玩，等佢唔好瞓住，佢返到屋企先至扭眼瞓，最後冇同BB沖涼就俾佢瞓咗lu. 唔緊要啦，做一晚污糟豬咁多啦。 : p

Chloe Yeong

今個新年冇乜特別，都係去拜吓年，食吓飯咁。

喺呢個新年爹D媽咪終於幫善如改咗個英文名叫Chloe，意思係美麗的，青春的。其實個英文名係爹D唸既，都係因為個名夠cutie而又唔係好多人用，同埋覺得都好似幾襯佢，所以就決定咗用呢個名喇。

做運動

善如同大家一齊做運動。

行花市睇白鴿

年廿九下晝帶咗善如去維園行花市，都唔算好多人，不過冇乜野買，得個行字。之後爹D要去攞野，剩番媽咪﹑善如同工人等爹D，媽咪見有時間，帶咗善如去維園睇白鴿，善如好開心，見到啲白鴿一啲都唔驚。之後爹D番到黎閙媽咪，竟然帶BB去睇白鴿，有禽流感點算，媽咪之後先至知驚。

扭扭扭

當善如聽到音樂既時候佢會自己扭扭扭，佢扭得好攪笑架。

善如俾人"唧"

善如最近好大方咁俾人"唧"，舉完一隻手仲舉埋另外一隻添。睇吓姨媽媽"唧"佢，佢幾開心，佢仲識得"唧"番人添呀。

Colour

善如認得出好多隻顏色好耐喇，不過佢成日都唔肯一次過講哂俾我地聽，所以而家先俾大家睇吓啦!!

新年快樂

今日公公約咗我地成家去Mega Box 飲茶，飲完茶之後就梗係留喺度買吓野啦。臨尾見到Winnie the Pooh就帶善如去影吓相，之後就忍唔住用咗＄６０買咗兩個鎖匙扣，都幾靚架！