Art Jamming

爸媽參加了公司安排的Art Jamming，帶善如去畫吓畫，每人一幅，很開心。畫畫不嬲都是媽媽的弱項，為何可以畫得似，全是因為爸爸幫我們用鉛筆起哂稿，我們只是油顏色而己。

Happy Birthday to Papa!

爸爸生日一早約了爺爺嫲嫲飲茶，之後就去了紅磡冒險樂園玩，夜晚爸媽和姨媽媽到大喜屋食日本野。

藍田边南收咗采叡了!

今天，我們收到藍田迦南收咗采叡pm班既信，真是很開心! 是爸爸其中一份生日禮物! 起初，爸媽唸住讓妹妹上有學卷的幼稚園，但經過善如今次小學的考試後，呢間學校的程度真的好深，媽咪怕采叡到時跟不上，所以希望選擇一間冇學卷的學校，而爸媽心儀的就是迦南了。

學校旅行

今次是善如的第一次學校旅行，地點是九龍公園，多得這班義工媽咪影了很多相給我們看。

Relaxing Dinner

難得放低兩隻龍豬去與朋友食飯，善如打咗好多次電話來問我們幾時番，真的俾佢激死。

九龍塘迦南waiting list

九龍塘迦南今日收到result，只是waiting list，唉! 希望藍田那間收啦。

采叡玩slide好叻呀!

采叡玩滑梯，真的一點也不似家姐，非常之大膽，自己爬上滑梯，自己縮埋隻腳，然後Sir下來，佢既手腳協調非常之好，不似家姐那麼輪盡。

采叡叫爹D

采叡最叻就係叫爹D!

媽媽：[叫爸爸呀?]

采叡：[爸爸。]

媽媽：[叫爹D呀?]

采叡：[爹D。]

媽媽：[叫媽媽呀?]

采叡：[爹D。]

媽媽：[叫媽咪呀?]

采叡：[爹D。]

媽媽  @_@

善如學校生活 - K1C

可愛的IC班學生，希望你們能健康快樂地成長!



有午膳媽媽偷影到班房，見到善如在玩手指!

采叡懂得疊積木

采叡懂得疊積木了

采叡跟家姐做動作

采叡很喜歡跟家姐，亦都很錫家姐，當家姐做什麼她都會跟，當家姐俾人閙時，她就會喊。有時還會打閙佢那人，真抵鍚!

公公79歲生日@酒樓

 

公公79歲生日了，恭祝他身體健康﹑開心快樂!

藍田啟思收了采叡了!

今天收到email，啟思收了采叡下午班，當然下午班不是我們想讀的，但當然都會交留位費先啦，因為這是第一間收到通知的，媽媽亦預備了轉上午班的信，希望可以有機會轉上午班。

采叡到九龍塘迦南Interview

今天，爸爸媽媽要請假帶采叡到九龍塘迦南interview，這間學校都幾清潔和大，學校安排都很好，一位家長到禮堂聽家長會，一位就等面試，不用半個小時已經走得了。 采叡今次面試的反應較好，一去到老師到，想拿老師手上的紙，之後老師俾塊板佢，有apple, orange and banana叫佢跟住放，佢又肯喎，咁啱又放啱了，但是老師叫她叫媽媽，由頭到尾都唔肯叫。老師叫她和公仔shake hand，佢又肯，做兩隻手一齊shake添。坐坐吓，采叡開始周圍望，望住隔離組的人interview，又想離開張椅子。之後，老師俾塊板佢時，佢好專心咁望，連老師都話佢好認真喎。後來，走的時候，她肯做拜拜，請請和飛吻。 這間都是爸媽心儀的其中一個幼稚園，希望她能入到啦。