善如呷醋呀!

當小龍囡番屋企那天，爸爸已經買定一份禮物，是讓小龍囡送給善如的，當善如收到禮物後，佢沒有特別驚訝，佢只是好緊張妹妹啫。

經過呢幾日觀察，善如真是有呷醋呀，專登做一些令爸爸媽媽注意的頑皮事來，例如：食飯食得非常之慢，又成日行來行去，直頭入了房唔肯出黎。

有一次，小龍囡在廳用個大盤沖涼，善如好緊張地睇實同妹妹玩，到沖完既時候，佢竟然將個大盤既塞脫掉，令到成盤水既水都漏出來。平時既善如是不會做這些事情的。

再加上她專登做什麼都慢吞吞，引爸爸媽媽注意。唉，希望遲些好啲啦，善如唔好再呷醋了。

餵了一星期人奶

媽咪因為耻骨痛，每次餵人奶時，都再次弄傷耻骨，不能夠讓媽咪好好休養去醫治耻骨痛，所以媽咪這個星期耻骨都一樣很痛，完全冇好轉，今天終於決定停止餵人奶了，儘快醫治耻骨痛先，連落床都需要人幫，媽咪真的覺得好煩，又驚爸爸好辛苦，一個人要照顧我地三個，所以媽咪要快些好番。

探小龍囡

善如第一次抱妹妹呀!

Jones & Nelson 哥哥都有來探媽咪!

姑姐，姑丈

又要去母嬰健康院了!

今日爸爸又帶小龍囡到母嬰健康院check 吓有沒有黃，醫生話俾起上次已經降低了，但是都是有少許黃，下星期五要再去覆診，小龍囡加油呀，要快些冇事啊!

小龍囡條尿片有血!!

今日見到小龍囡條尿片有血，不是很多，但都很驚嚇，不過，今次爸爸好鎮定咁話，這些叫"假月經"呀。媽咪都是不放心打去母嬰健康院問，原來真是有這樣東西的，爸爸真勁呀!  不過姑娘話如果真的流很多血或者很多次數，就一定要帶她去看醫生。

母嬰健康院

今日預約了小龍囡到母嬰健康院檢查，醫生話小龍囡有些黃，要星期六再來覆診，看看還有沒有黃。

小龍囡同媽咪一齊出院了!

雖然媽咪既耻骨聯合痛症完全沒有好過，但媽咪都好想出院，因媽咪行動不方便，連去洗手間都要人幫手，在醫院(尤其是夜晚)不夠人手，在家起碼可以有人照顧到，所以都係決定出院。
醫院借了腳架同埋度身造了一個腰封給媽咪，之後就出院了。唔該哂大舅父幫手車媽咪番屋企。

小龍囡出世了!

7月23號凌晨一點幾，媽咪開始有些肚痛，但不是很痛，仲考慮緊是不是真的陣痛呢? 十五分鐘後又痛了，所以媽咪決定叫醒爸爸，唸住入定醫院了，點知一去到洗手間，立刻見紅，之後嚇到我們即刻叫管理處幫我們叫的士，五分鐘即刻出門口。

在的士上，因為媽咪都不是很痛，所以沒有大叫，但是都已經痛得很密，每三分鐘痛一次，的士司機好似唔係好知我就來要生咁，所以行得好慢，爸爸忍唔住同司機講，可否行快啲，佢生得了，之後個的士司機即刻話我仲驚"dun"親佢添，原來司機只係見到媽咪大肚，但佢見媽咪冇大叫，所以佢就慢慢。

入到醫院，都係入了待產室，那時都不是很痛，不過都痛得好密了，痛到四點幾開始穿水了，就非常痛了，再隔一陣穿埋水"long"，之後差不多五點度入到產房，好痛，到五點半爸爸終於可以入來陪媽咪，爸爸一見到媽咪就忍唔住哭了，因為爸爸見到媽咪好辛苦既樣，今次媽咪好叻，5:59 就已經生了小龍囡出來了，感謝神，母子平安。

不過，媽咪生完之後幾個鐘都係落唔到床，原來患了耻骨聯合症，

可能因為媽咪個肚太大有成46寸，令到組織鬆軟，又或者因為媽咪生既時候用錯力，所以攪到咁樣，大脾兩邊痛到郁都郁唔到咁濟。點都好，好彩小龍囡平安出世，媽咪應該休息多啲會快些好番既。

P.S. 今日係八號風球 (風名: 韋森特)，小龍囡好彩早少少出世，搭的士時暢通無阻，如果唔係在下一日的凌晨打咗13年以來都冇打過既十號風球，想搭的士都難呀，小龍囡叻叻，唔使媽咪咁慘，一陣唔係在街生就慘了。

雖然8號風球，爸爸都有來探媽媽同埋小龍囡，真乖。

多謝joei姨姨黎探媽咪同小龍囡!

小龍囡出世一陣，就已經識得好有節拍咁玩口水。

赤柱

今日馬家又有家庭聚會，大人就陪公公婆婆打麻雀，小朋友就去赤柱玩，因為今日本來有Dora睇架，不過因為風雨關係所以取消了，真失望。

小朋友玩咗一陣，就已經筋疲力盡了，在車上面梗係要瞓一陣啦。

Kary Birthday Party @Metro Town

天文台掛了一號風球，今天五時將軍澳狂風大雨，今晚有個Birthday Party要去，幸好是在隔離屋苑，如果不是，媽媽一定不會去了。

Kary Happy Birthday!

在校車認識的同學

去完人家生日會，自己有這麼多禮物收!

媽咪感冒

媽咪由放產假時，已經開始感冒，睇咗姚醫生，食了藥當然想睡覺，令到媽咪在這星期都是在食藥﹑睡覺裏渡過，不是很多時間陪善如。

善如在這段時間，要適應這個新工人姐姐，又是另一挑戰，這個工人姐姐，清潔家具非常好，但是她的態度，真的有待改善，媽咪在這段時間會觀察及提醒多點姐姐，可否令她改變一下她的態度，我不希望善如在一個負面的環境下生活。

小龍囡已經7.7磅了!

今日媽咪帶埋善如去私家醫生檢查，當然爸爸都有到場啦，以這個咁穩陣的醫生來說，她見到媽咪個肚都話好大個，點知一check，小龍囡已經達到7.7磅了，以這樣估計，到了預產期先出世的話，小龍囡應該一定會超過8磅，爸爸一聽到除了開心之外，亦都很害怕媽媽生得辛苦，其實而家媽咪出街已經很辛苦了，個肚已經大到45.5寸，重了35磅之多，其實媽媽今次都不是食了很多東西，可能是小龍囡吸收，不過，最緊要都是她要健健康康地出世，辛苦些都是值得的。

至於今次個肚這麼大，大到個程度是怎樣?  兩個星期前在公司，平常也沒有接觸隔離部門的男同事，竟然都忍不住問：[你係咪生得了? 你個肚很大啊!重要番工嗎?] 又有一次去洗手間的時候，有個隔離婦產科的姑娘問：[咦，幾時生呀? 孖胎來的? 不是孖胎都這麼大個肚?]

今次在私家check的時候，問醫生點解今次個肚這麼累贅，時常都似生得這樣，醫生說個肚皮很鬆，更加會覺得累贅。醫生說今次個肚皮一定鬆過上次很多，因為個肚真的很大，媽咪問有冇辦法，做運動可以嗎? 她說沒有用的，醫生說很多明星都控制住，令到肚皮都不會這麼大，如果真的很大，除非好像她們這樣做手術，將多餘的脂肪拿走，不過要留一條疤痕，哈哈! 這樣代表叫媽咪不要理它吧!

添好運

酥皮义燒包

今日婆婆陪媽媽去覆診，覆完診就去這間米芝蓮添好運食點心，想來很久，但聽聞要等很久加上間舖很細，所以都未試過。今日決心來試吓，一去到有十幾個人在排隊，起初說要等個半鐘，但是其實有很多人都走了，真的要等這麼久嗎?

所以都決定等，等了差不多半個鐘已經到了，當然入到去要叫一些出名的來吃啊!  講真，真的很好味嗎? 又未覺得真的，除了酥皮义燒飽外，其他又不覺得有什麼特別，但是總算嘗試過吧!

幼兒海陸空自製玩具工程師 - 馬達電動浮力水船

一如以往，根德園的暑假特別長，由7月4日開始，放到8月尾，媽媽不想善如無所事事，當然要報一些暑期班給她消磨一下時間。今年暑假有些特別，就是媽媽﹑爸爸和小龍囡妹妹都會陪善如放暑假，所以為免接送太困難，媽咪都是選擇在樓下的又平又近YWCA上堂。媽媽安排到每日都有活動，今次參加的全部都不是學術性的，希望令她開開心心地上堂，再加上現時學習中的Enopi，Cambridge，Jolly Phonics，Swimming，都應該足夠了。

星期一  幼兒海陸空自製玩具工程師

星期二  動力節拍跳躍坊

星期三  畫得出色水彩畫

星期四  科學探索小種子

星期五  幼兒黏土Angry Bird

幼兒海陸空自製玩具工程師

- 馬達電動浮力水船，善如一回來就好興奮要媽咪陪她玩了。

馬家食飯@鳳城酒家

最近公公的身體不是太好，有兩次還跌倒在地上，公公已經77歲了，上星期五婆婆話給我們聽，公公夜晚十點半時，問婆婆做什麼未煮飯，很肚餓，要在街找東西吃，婆婆很驚訝，但是都陪他在街食。

最近公公因為在醫院照過腦素描，醫生說他都曾經試過輕微中風，所以個口說話時會歪歪斜斜的，但是大家都不覺得他有，可能真是太輕微。醫生決定開一些預防中風的藥給公公吃，希望只不過是一些副作用，所以令到公公上星期五會這樣。再加上星期日和他打麻雀時，他的反應真的遲緩了很多，所以今晚四兄妹決定同公公婆婆食飯，看看情況如何，看看需不需要去帶公公看醫生，幸好公公那晚很好，他說食完那些藥後，反而說話好了很多，真的希望只不過是一些副作用，不要有什麼事啊! 可以繼續和他打麻雀啊!

Play Mahjong@大舅父家

大人就在家涼冷氣游乾水，小朋友就去公園玩，看看他們玩到成身濕透，頭髮都濕哂，就知道出面有幾熱和她們有幾開心了!

媽咪開始放產假了!

放產假的日子終於來臨了，開始要新的一頁，再去迎接我們的第二個囡囡，心情開始緊張，媽咪其實都好驚痛，一想起上次的痛，真的不敢再想下去。

剛好這段時刻是善如放暑假的時候，真的很開心，因為爸爸都會放三個星期的假，真的很難得有機會可以和善如﹑小龍女一齊放漫長暑假，真的要好好珍惜。

海港城

今日天氣熱到暈，但是應承了善如去玩具反斗城，所以不可以食言，唯有照去啦，媽咪真的很疲倦，只可以在出面的休息室裏休息等他們。