打棒球

善如學人打棒球，最叻就係假動作，仲要揸住個波一齊揮出，好似真係好勁咁。

醒目對答

聽老師講，有一日原來老師已經俾咗一個包俾善如食，之後善如食完之後，竟然問"冇嗱?" 老師見善如仲想食，就俾多一個包包佢食，善如真係為食呀。

善如今日番到屋企成日講"唔該老師食茶點"，

之後爸爸媽媽問: "你喺學校食茶點有乜野食呀?"

善如: "有包包食架"

媽咪: "仲有冇呀?"

善如: "有喎?"

媽咪: "仲有乜野食呀?"

善如: "仲有餅餅呀"

爸爸: "食完咁點呀?"

善如: "食完飲水水喎。"

媽咪: "善如去完洗手間要點呀?"

善如: "要洗手手！"

之後仲一次過唱埋Good morning, 同埋Goodbye歌添。

其實我地今日仲成日聽到善如祈禱添，不過唔係好知佢exactly講緊乜。

扭計

呢個星期善如就扭計咗好多，有時仲唔肯番學校添，番學既路程有時又唔俾人抱，又要自己周圍行，仲成日喊添。不過老師都話，小朋友番學初頭係會咁樣既，因為佢始終唔係好適應，遲啲習慣咗就會乖啲。

求其拿副太陽眼鏡同埋帽俾善如帶，佢開心到死。

BBQ

今日我地成家人去咗將中燒野食，善如就可以踩單車同埋跑步步，因為善如未識踩，所以表哥就推佢，但係佢都已經好開心。 起跑既時候仲識得擺定姿勢，玩得好鬼high。

番學生活

尋日到爹D帶善如番學，善如都係一樣俾人搶玩具唔敢出聲。之後就同爹D一齊做咗個勞作。

今日係善如第一日自己喺學校一個鐘，爹D聽番老師講，佢好乖，冇扭過計，善如叻叻。

今晚爹D媽咪好開心，番到屋企善如竟然咁快識得將佢喺學校學既good morning歌唱俾媽咪聽，仲做埋動作添，爹D媽咪真係好開心呀。

踩單車

一早同善如游完水，等佢瞓醒覺就帶佢落樓下平台踩單車，因為架單車都幾大，所以善如要好大力先至可以踩到，但係佢好似唔係好想踩咁，踩一陣就話要落地。

Running

善如如果而家要跑步既話，佢會做個準備既姿勢，好得意!

食雞翼

今日俾善如學食雞翼，好佢開心，好鐘意食，我地見佢用义食好似唔係好食到，所以叫佢用手，但係佢好攪笑，反而嫌Dirty，想用义食多啲。

開學第二日

開學第二日，善如因為尋晚夜咗啲瞓，所以今朝唔肯起身，要攪咗一陣先至肯起身。今日到婆婆負責陪善如番學，婆婆話佢好乖，好留心聽老師講故事，排隊去toilet，仲去咗好多"砵砵"添。由放學開始到番屋企都唔使婆婆抱，善如真係剩係蝦爹D同媽咪，成日扭我地抱。

唔記得介紹吓呢幾樣野，有一個書包﹑奇趣袋(開Party用既)﹑毛巾盒﹑同埋剩係2歲班先至需要著既圍裙。

開學日

善如今日第一日番學喇，今朝夠鐘但係佢仲未起身，工人姐姐叫醒佢，同佢講話要起身番學喇，佢竟然冇扭計，肯自己起身刷牙洗面，之後仲行入黎房叫埋爸爸媽媽起身番工添。

好彩今日冇落雨，爸爸﹑媽媽同善如一齊出門口，第一日媽咪就負責陪善如番學(只可以一位家長陪)，去到學校首先玩玩具，之後排隊去洗手間，再之後就一齊唱歌歌，唱Twinkle Twinkle Little Star，善如好開心，唱得好大聲，又有得食糖，自己揸住杯杯飲水水。

班主任幫每一個家庭影相，影完之後班主任揸住部相機指住相機入面既媽咪問善如，呢個邊個黎架? 善如答咗一句: (媽咪黎架。) 呢句就係善如第一句肯同班主任講既野。

第一日整體表現理想，雖然佢見親老師行過黎，佢都好怕羞咁擰開個面，但係起碼佢冇喊，都算係咁。 一個鐘頭其實好快過，善如臨走仲肯同老師講第二句野就係拜拜喇。

善如今日全程都冇喊過，只係有段小插曲，我唸住佢實會喊，但係都冇。事發係當佢玩緊玩具既時候，有個小妹妹行過黎搶走佢個玩具，一貫善如既作風，唔出聲，睇住人搶咗啲玩具，但個樣好唔開心，之後再隔一陣善如就揸到實個玩具，唔俾佢搶，之後個小妹妹好大力咁搶，隻手撞到善如個額頭，善如都係冇出聲，隔一陣仲一人玩一陣添，善如好叻，媽咪仲驚佢喊添。

得意對答

善如最近講好多野，因為佢乜都肯跟住我地講，所以好鬼得意，當然全部野都係我地教佢啦，不過聽到佢識得答我地，我地覺得好開心呀，因為佢識得幾時應該講啲乜野呀。

(1) 善如識分乜野叫dry, wet，成日見到媽咪沖完涼出黎，佢就會話Mommy’s hair is wet. BB’s hair is dry. 或者見到地下濕咗，佢會話The floor is wet.
(2) 善如識分大同埋小
(3) 問: Do you love me? 善如答: [Yes, I do.]
問: [爸爸媽媽錫到您點呀??] 善如答: [錫到我燶呀!]
問:[你乖唔乖呀?] 善如答:[我乖到震呀!]

(4) 佢無端端將中文字加個英文尾音，例如: 長頸鹿(k)
(5) 善如會知道我地將會想同佢講啲乜，佢就會講咗先，例如，
- 佢喺將床到跳緊，佢就會望住我地話: [ BB，唔好跳啦。]
- 當佢驚到完全唔肯望住人，甚至驚到喊嗰陣，嗰個人一走開咗，佢就會自己講：[BB，唔使喊啦，冇野要喊，做乜野要驚啫。]

(6) 每次落巴士要行樓梯，爸爸就抱住善如落先，媽咪就喺後面，善如次次都會話:[媽咪小心啲呀。] 媽咪即刻冧到痺呀。

(7) 每晚瞓覺必定同爸爸媽媽講Good night，仲會錫我地一啖添，錫完爸爸就會話：［仲未錫媽媽喎！鍚埋媽媽先!］

明天開學Lu

善如聽日第一日番學，媽咪仲緊張過善如，因為善如都未識得乜野叫番學，所以唔識緊張。 媽咪已經攞咗一日假，陪佢番學。婆婆同公公仲話要俾利是佢，所以一齊黎接佢放學添。善如，祝您既番學生涯，開開心心，順順利利。

買單車

爸爸媽媽終於買咗部單車俾善如喇，部單車係適合三歲或以上既，雖然善如未到三歲，但係佢都算高，所以隻腳都夠長，不過佢當然未識用力踩啦，我地會多啲帶佢去練習喇。
其實我地就唔係好鐘意白雪公主呢個公仔，不過架單車後面有柄既只係得呢款，其他Winnie the Pooh, Mickey都冇柄，所以算啦，如果唔係爸爸媽媽條腰骨就唔使要喇。

學揸筷子

我地最近俾善如學揸筷子，佢識得自己揸住筷子黎挾粟米，挾魚魚食，而家佢識咗之後，佢反而唔肯用匙羹添。

又俾人嚇親

上兩星期我地帶咗善如落街行下，當搭緊升降機既時候，有個好高﹑隻眼好大﹑著住條短褲唸住去跑步既男人，望住善如想同佢玩，佢擘到隻眼好鬼大咁同佢講Hello，善如即刻驚到攬實媽咪，然後仲要大喊添，自從嗰日開始，佢就成日見到啲陌生人都好驚。

其實善如之前叻咗好多，見到陌生人都唔係好驚，就算唔講野都唔會驚人，但係經過呢次之後，佢就驚到死，最近帶佢同嫲嫲加太嫲飲茶，佢驚太嫲驚到全程攬實爸爸，真係俾佢激死。

善如你就黎要番學喇，唔好咁驚先至得架。

打怪獸

善如成日攞咗爸爸媽媽部電話黎打怪獸，佢每次打親都好鬼肉緊架