@CWB

去到玩具反斗城見到遙控車，爸爸話想買俾善如，其實爸爸自己都想玩就真，善如都好似知道咁，媽媽問佢架車邊個買，佢識答係媽媽買俾善如同爸爸架，哈哈。

一見到長頸鹿即刻話要同佢影相

之後，仲去咗皇室玩遊戲添，善如夠膽答個司儀問題，不過好細聲。

善如贏咗罐可樂俾爸爸飲，哈哈。

番到屋企見到麥兜 同佢影相

同嫲嫲太嫲飲茶@CWB

今日學完英文跳完舞就同嫲嫲太嫲飲茶，之後去咗中央圖書館借書。

第四堂學游水

今日善如好叻，佢唔使姐姐喺隔離陪佢，佢自己肯聽教練話落水學，之後番到屋企即刻打俾媽咪話自己叻，抵讚，希望佢以後每一堂都係咁啦。

Ironing

善如玩緊熨衫玩具，佢好認真架~

唱歌

善如好耐都未唱過歌了，一唱就唱咗好多首。

扮 Teapot

Head & Shoulder

之前善如唱Head and Shoulder Knees and Toes既時候，成日趕唔切做動作，而家好叻呀，趕到喇。

春天到，暖洋洋，大地穿上綠衣裳，毛毛細雨飄下來，朵朵花兒齊開放。

小小英語音樂人 - 第二堂

今日善如好叻女，冇話驚個外籍老師，唔使姐姐陪佢一陣，就即刻肯入去上堂喇，番到黎屋企媽咪即刻讚佢叻叻添。今日佢做咗個鼓，好開心咁唱歌。

第三堂學游水

今日係第三堂學游水，工人姐姐話善如唔俾佢走，要佢喺度陪佢，之後又只係肯企喺水度玩水，唔肯同教練游出去，工人姐姐話個教練都唔係好氹善如，問佢兩三次唔出都冇理佢。但係唔可以咁架喎，次次都只係企喺水到做乜鬼喎，又學唔到野又浪費錢。

飲茶+游水

今日一早約咗舅公舅婆，公公婆婆飲完茶，表姨好叻在外國讀完經濟學畢業，而家番返黎香港，再讀多兩年法律碩士，時間過得真係快，睇住佢出世，而家已經大學畢業。善如而家就K1，好快可能又大學畢業喇，哈哈，爸爸媽媽真係發夢發得早咗啲呀。

之後，約咗二舅父游水，善如同我地游水就好開心，去學游水見到教練就驚到死，希望佢今個星期好啲啦。

大埔螢火蟲之旅

今日跟咗爸爸公司去旅行，下午就去咗整沙樽，之後入咗科學園食buffet，等到夜晚就去大埔睇螢火蟲，好靚呀，見到好多隻，仲見到兩隻飛埋黎添。

第二堂學游水

今日善如第二堂學游水，個教練真係唔同咗，善如唔肯落水，又唔俾工人姐姐走，要佢陪，姐姐話今次個教練又冇乜氹佢，攪到佢成日只係喺度玩玩具。 善如你要叻啲呀，下次一定要叻啲呀。

小小英語音樂人 - 第一堂

 今日第一堂喺屋企樓下YWCA上小小英語音樂人，這個活動係為喜愛的音樂的小朋友，啟發並吸引佢地對音樂的興趣和好奇。外籍老師會教導小朋友運用各種日常家居的小材料製成樂器，它們不僅能發出好聽的聲音，仲可以伴奏旋律簡單的英文歌。

善如第一堂又驚，唔俾姐姐走，要喺度陪佢一陣先得。善如話佢好驚啲外籍男人有鬍鬚喎，俾佢激死呀。

第一堂學游水

媽媽因為未番新工，今日係善如第一堂學游水，媽媽趕得切帶善如去學，佢等緊開始既時候就好開心，自己係咁喺度玩。

之後，到個教練開始教既時候，佢就開始驚唔肯落水，要個教練同佢講話媽咪喺上面，佢先至肯肯地。

善如只係掛住玩玩具，俾佢激死。

好彩之後都肯出去踼吓水。

跟住呢就係用浮板游佢都肯。

最後，佢地一齊圍圈跳出去，跳番入黎添。

雖然善如起初有啲驚，不過我覺得個教練都幾好，好有心機教小朋友，令到善如臨尾都肯去玩，不過到完去接善如既時候，有個Assistant就話俾我聽，呢個教練係臨時既，因為真正那個今日有啲緊要事，所以唔得閒黎，下次咁多堂都係下一個教練，真係俾佢地激死，咁又要善如下次適應個第二個教練。

靜夜思

剛剛教善如讀唐詩，第一首成功既係靜夜思。

食香蕉雪條

期待已久既香蕉雪條已經買到喇，因為新出，所以真係好難買呀，今日係善如第一次食，幫手剝皮好攪笑，不過講真，得個樣，好似都唔係咁好食。

挪亞方舟

爸爸仲未放完假，所以今日又帶我地去挪亞方舟玩，因為我地好遲先至起身，之後仲要搭船入去，攪到成兩點半先至入到去，但係六點鐘就已經閉門，所以都玩得幾趕吓。

善如竟然夠擔自己坐呢隻船。

不過，佢一定好攰，要好用力先至郁到。

扮瞓覺

Yes, I do.

大難淋頭 - 呢個遊戲好好玩，叫你選擇一條繩，有一條繩跌落黎既係水，所以如果你選擇錯誤，你就會被水淋到。



其實個意義係 - 當你唸住大難臨頭既時候，都要積極啲去面對每一件事，去唸吓其實有幾個方法去解決，過咗去又可能會冇事，所以要睇開啲。

善如又唔肯入去玩，但係佢喺出面又好鬼興奮。

畫出彩虹