采叡開始識認中文字咭

黃金海岸沙灘

善如自己自動自覺摺被

爺爺生日飯

踏完單車後，到酒樓和爺爺食生日飯。

踏單車@將軍澳

今天下午，善如約了同學仔到將軍澳踏單車，善如好叻，暫時得佢一個踏兩輪單車，她踏得很快，爸爸追都追唔切咁劑，因為有同學在旁的關係，就算跌了，她完全沒有嗲聲嗲氣，立即起番身再踏過，善如，其實你是做到的，不要在太過倚賴了。加油!

采叡讀字咭

采叡識讀好多字咭，好叻女，不過佢只認到中文字，未認到英文字。

采叡食蘋果

呢隻叡叡豬而家成日學大人, 大人成個蘋果食, 佢又要學, 笑死人呀!

善如話個腦唔夠位儲咁多野

善如今日在學校又唔見了本英文booklet 善如：[實俾同學話我，明明之前有架，點解而家又冇咗架。] 媽咪乘機就話：[咁點解你唔可以用個腦記住呀，什麼野都話唔記得。] 善如通常都不會出聲，點知今次佢答：[咁我個腦儲唔到咁多野呀。] 媽咪：[乜你有好多野要記咩?] 善如：[係呀，我要記住考試啲野呀! 考試啲野唔緊要個呢啲咩?] 媽咪：[個腦仲有好多位可以記好多野架，咁你記咗考試啲野，又唔見你考試識哂既!]

義工@濕地公園

因為昨晚去了廸士尼，昨晚媽咪已經問定善如，明天你去唔去濕地公園，如果去就要快啲起身，如果唔去就留在家等姨媽媽來照顧你和細妹。佢已經選擇了起身，媽咪立即話但你一定要起身，不可發脾氣呀! 今天早上，善如很叻，爸爸叫佢起身佢唔起，當媽咪叫咗佢兩次，同佢講：[善如唔緊要架，你可以繼續瞓等姨媽媽來睇住你和細妹，我們差不多就走了。]佢立即彈起身。 到了濕地公園，善如好努力地清理雜草，真的很乖，沒有懶懶散散。

迪士尼 with Jones and Nelson

今早在青衣飲完茶就去了廸士尼，有Nelson 哥哥車去真方便。 今天很感恩，前幾天還落好大雨，今天天氣超好，還有太陽添。 采叡入去睇3D米奇電影﹑巴斯光年﹑獅子王劇，差不多全程都沒有驚，只是巴斯光和3D米奇電影年尾段有少少驚，但起碼唔使好似善如那時咁要出番去，唔肯睇和喊，采叡真叻女。 采叡俾個小學生撞到，成個跌咗落地，之後跳跳吓，又撞瘀咗個額頭，陰公豬。 那晚因為等到九時看完煙花才走，所以要差不到十時才吃晚飯，采叡已睡了覺，回到家才俾奶她食。