媽咪生日，爹D帶咗媽咪同BB去Conrad食Buffet，我地六點三去到，食到成九點幾十點，我地初頭都好驚BB唔肯坐咁耐，好彩佢好乖，坐到成九點半先至扭計jar，真係抵鍚。 酒店有BB椅俾BB坐，佢地仲送咗塊砌圖玩具俾佢玩，雖然佢未識玩，但係佢都睇咗好耐。全晚啲waiter都成日忍唔住同佢玩，得閒就走黎聊下佢，BB一路都好開心，不過最攪笑就係個阿叉厨師，佢本來係在幫人切牛扒既，點知佢見到啲waiter玩得咁開心，佢就走出黎同BB哈囉，因為佢帶住頂好高既白色厨師帽同埋佢好多鬚，嚇到BB喊到成間餐廳既人都知道，攪到個厨師好驚咁即刻番返入去幫人切牛扒，不過BB好快就冇事啦，後來我經過個厨師隔離，佢同我講so sorry，之後我就安慰佢話"She's hungry jar." 但係我見佢個樣都好似唔係好信咁。 再隔咗一陣，個厨師都係唔甘心，佢真係實在太想同BB玩，佢在入面拿了個Conrad Happy Birthday既公仔俾BB，不過今次佢好醒目咁除低頂帽先，之後俾隻公仔佢，BB一見到佢，今次好乖都望咗一陣，不過之後又開始想變樣，之後個厨師好快咁走咗，BB你唔好咁驚先得架。
善如第一年過新年，爹D媽咪梗係要買啲新衫俾BB著啦，好多地方都有折，買咗成個下晝，選了好多衫同褲，仲買咗條裙仔俾佢著，為咗應節，咁就梗係唔少得中國服啦，不過好似大件咗啲，嘻嘻，留返下年都得，你地睇吓得唔得意。生女真係好，可以著靚衫扮靚靚，我地仲買咗個Melody袋仔俾佢裝laisee添。