BB 相

唔知做乜鬼upload唔到video，俾住啲靚相大家睇吓先啦。

善如唔肯食粥

善如最近唔肯食粥，成日將啲粥Bu番出黎，佢好似鐘意食啲有口感既野，例如蘋果有得咬，所以好鐘意食，所以媽咪叫咗姐姐將啲紅蘿蔔切粒，佢尋日又好似食得多啲，但係今日又唔係好食，餵成個鐘先至食得多啲。善如呀，你乖啲啦，唔好咁啦。

善如識行好多步喇

善如識行好多步喇，佢行得唔穩跌低就係最得意了(爹D媽咪幾殘忍)，在會所玩到好開心，佢都未行得好穩就好似學跑咁，行得好快呀。

掉玩具落地

最近善如好鐘意掉野落地，但係掉落地既聲好大聲，佢又好驚，所以佢就咪埋眼，不過佢而家好醒目，會咪埋咗眼先至掉，咁咪冇咁驚囉，BB你真係叻叻喇!

BB 做動作

最近BB學野好快，所以爹D媽咪成日教佢做動作，其實爹D媽咪見到善如越來越識得多野，真係好開心架。你地留意吓佢在第一個影片裏，佢點虫虫既時候，自己整自己條頸，同埋放爹D就手埋佢個身度，好得意呀! 而第二個Video其實善如已經好疲倦，所以佢好似有啲唔耐煩。

拍Elmo Pat Pat

爹D媽咪教善如拍拍，佢就走去拍Elmo Pat Pat。

BB跟住電視做動作

BB跟住電視做動作，例如up and down, touch your head, turn yourself around. 大家睇吓佢好鬼肉緊架。

BB 好番哂喇

BB呆滯咗幾日，終於好番，佢今次發完燒之後好似仲敏捷過之前，周屋扶住啲野行，行得好鬼快。

BB 出玫瑰疹

善如上星期四開始發燒，一路都係發幾個鐘又退燒發幾個鐘又退，徘徊37.1 至38.4 之間，由星期四晚開始，爹D媽咪都冇好好咁瞓過覺，因為BB好"蚊"，夜晚仲要抱住佢瞓添。 我地好擔心BB點解會發燒仲要發幾日都唔退，到星期日終於知道乜野事喇，原來BB係出玫瑰疹呀，真係嚇死，醫生話唔係個個都要出既，不過出咗一次就免疫喇，如果唔睇醫生就要出一個星期，如果食住藥就會出兩三日，BB而家成面都係疹，剛剛先至開始出到身，希望佢快啲好番啦，佢食咗藥就好似冇咁"蚊"，起碼肯瞓覺，仲成日都好眼瞓，星期日同佢洗頭既時候，佢仲咪埋眼瞓覺添，見到佢咁辛苦，冇哂平日既笑容，成日都呆呆滯滯咁，爹D媽咪真係好心痛，好想快啲見到佢好似平日咁開心，笑得咁甜，咁可愛。