Birthday Party - Shek Pak Chuen

新增說明文字



呢個係隔離班同學仔攪既生日會，氣氛都好好，因為主人家請咗個魔術師黎表演，個個小朋友都睇得好開心。





呢個遊戲好容易踩親手仔，不過開親Party都會玩。

尖尖尖

善如睇咗電視見到許志安個廣告好鐘意，成日喺度唱- 尖尖尖。

唱歌 - The Farmer In the Dell

The farmer in the dell

The farmer in the dell

Hi-ho, the derry-o

The farmer in the dell

層層疊

最近買咗層層疊俾善如玩，善如都疊得幾高，不過當爸爸將啲積木跌哂落黎既時候，佢就好唔開心，佢話俾多次機會爸爸喎。

春卷



善如同爸爸玩緊包春卷遊戲。

根德園運動會

明天係學校既運動會，媽咪問善如你參加邊樣項目，善如就即刻攞起啲積木，做跨欄俾媽咪睇，佢話呢個係小型既，好細個喎。

送公仔俾其他小朋友

爸爸媽媽今個星期開始想善如學習吓同姐姐喺細房瞓，不過唔知點解瞓咗兩三日，善如隻手就起哂粒粒，所以媽咪叫咗姐姐幫張床大清潔，同埋唸住掉埋啲好舊既公仔，點知善如聽到話掉公仔，佢即刻好唔開心咁問：[點解要掉咗佢地呀?] 善如不嬲好鐘意公仔，佢當每一個公仔都係一個小生命，佢成日會攞啲公仔黎扮同自己講野，當善如發脾氣或者唔開心既時候，好多時都係啲公仔可以氹番佢，之後媽咪唯有同佢講，不如我地捐咗啲公仔俾其他小朋友呀，我地要Sharing，有好多小朋友都冇錢買公仔，佢地冇得玩架。善如真係好乖，一聽到佢就話好。

到爸爸同佢一齊將啲公仔放落回收箱既時候，

善如：[點解啲人冇錢買公仔既?]

爸爸：[有啲人可能唔夠錢買囉，佢地只係夠錢食飯。]

善如：[我地捐俾啲小朋友，佢地係咪好開心呀。]

爸爸：[梗係啦，啲小朋友會好開心架。]

爸爸望住善如個樣，見到佢真係真心真意咁將啲公仔送俾小朋友，好似好期待啲小朋友收到禮物時那種喜悅，看得出佢係由心笑出黎，其實最開心既係善如，希望佢大個都會有呢顆善良既心。

紅花開

紅花開﹑黃花開，朵朵花兒多可愛，花兒可看不可採。

踩單車



昨日應承咗善如同佢去踩單車，佢真係好開心，由維景灣畔踩到去清水灣半島，然後喺海邊食燒賣﹑雪糕，真係寫意，善如食緊自己杯香芋雪糕，又要食媽咪杯朱古力味，佢肯定覺得朱古力好味啲啦，媽咪都一早叫佢揀朱古力味架啦。

善如清爽短髮Look



在一個毫無準備既情況下，幫善如剪短咗啲頭髮，仲要係媽咪操刀添。其實因為我地就黎會去旅行，加上都就黎到夏天，善如會出熱痱，又想幫善如轉吓髮型，所以就剪咗短髮look，初頭善如都好開心，覺得好好玩，但係當佢見到自己啲頭髮喺枱面既時候，佢就無端端想喊，俾佢激死。

約媽咪啲舊同事飲茶@CWB

媽咪今日約咗舊同事出黎飲下午茶，有兩個好乖既俊文哥哥同柔柔姐姐陪佢玩，善如初頭都有啲怕醜，到差唔到走既時候就好好多，肯一齊玩，仲叫埋姐姐去toilet添。

行花墟

今日善如無端端話要送花俾媽咪，廿四考爸爸就帶咗我地去花墟，之後善如就揀咗一紮花俾媽咪，哈哈，善如開心之餘，媽媽都當然好開心啦。

嘉年華會

善如同灼垣又見面喇!  Vivian姨姨間公司喺Jockey Club 攪Fun Day，又有扭波波玩，又有攤位遊戲玩，真開心!

我原諒咗灼垣哥哥喇!

哈哈，唔知兩個小朋友喺度傾乜呢?

仲請咗官甄娜姐姐唱歌添。